БАРИМТ 1
Бүгд Найрамдах Эстони улс нь 45,339 хавтгай дөрвөлжин километр газар нутагтай Европ тивийн хойд хэсэгт байрлалтай орон. Хойд болон баруун хэсгээрээ Балтын тэнгист гарцтай уг улс нь урд талаараа Латви, зүүн хэсгээрээ Орос гэх хоёрхон улстай хуурай газраар хиллэдэг.
БАРИМТ 2
Эстони улсын газар нутаг үндсэн нэг эх газар, Сааремаа, Хиймаа гэх мэт томоохон арлууд болон 2,200 гаруй жижиг арлуудаас бүрддэг. Улсын нийслэлийг Таллин гэдэг бол албан ёсны хэл нь эстони хэл. Эстони бол хүний хөгжлийн индексээрээ дэлхийд 29-ээр байранд жагсдаг өндөр хөгжилтэй улс.
БАРИМТ 3
Эстони улсын хүн амын нийт тоо 1.3 сая бөгөөд тэдний 70 хувийг эстони, 24 хувийг орос үндэстнүүд бүрдүүлдэг. Харин шашны хувьд нийт эстоничуудын 65 хувь нь ямар ч шашин шүтдэггүй бол 34 хувь нь христийн шашныг шүтдэг. Уг үзүүлэлтээрээ тэд дэлхий дээрх шашны нөлөөнд хамгийн бага автсан ард түмний нэгээр нэрлэгддэг.
БАРИМТ 4
Одоогийн Эстони улсын газар нутаг дээр хүн төрөлхтөн дор хаяж манай эриний өмнөх 9,000 оноос амьдарч эхэлсэн. Олон зууны турш Дани, Швед, оросын эзэнт гүрнүүдэд захирагдсаны дараа 19-ээр зууны дунд үед Эстонийн үндэсний өвөрмөц онцлог бий болсон. Улмаар эстоничууд дэлхийн нэгдүгээр дайны үед буюу 1918 оны хоёрдугаар сарын 24-нд Орос болон Герман улсуудыг байлдаж байх үеийг ашиглаж тусгаар тогтнолоо зарласан.
БАРИМТ 5
Гэхдээ дэлхийн хоёрдугаар дайн эхлэхтэй зэрэгцэн Эстони улс Зөвлөлт Холбоот улсад эзлэгдэж, дараа нь Герман улсад эзлэгдэж, эцэст нь дахиж Зөвлөлт Холбоот улсад эзлэгдсэнээр Зөвлөлт Холбоот улсын нэг хэсэг болсон. 1988-1990 оны хооронд эстоничуудын энх тайван аргаар хувьсгал өрнүүлсээр байсан бөгөөд 1991 онд Зөвлөлт Холбоот улсын задралын үеэр тусгаар тогтнолоо зарласан
БАРИМТ 6
Улмаар Эстони улс 2004 онд НАТО болон Европын Холбоо гэх чухал хоёр холбоонд элсэн орсон. Тус улс парламентын засаглалтай бөгөөд одоогийн төрийн тэргүүнүүдийг нь нэрлэвэл Алар Карис (ерөнхийлөгч), Кая Каллас (ерөнхий сайд) гэх мэтээр үргэлжилнэ. Мөн Эстони улс нь Европын холбооны хамгийн бага хүн амтай орнуудын нэг юм
БАРИМТ 7
.Эстони улс 2011 оны нэгдүгээр сарын 1-нд еврог албан ёсны мөнгөн тэмдэгтээ болгосон. Уг улс нь хувь хүний орлогын хэмжээнээс үл хамааран бүх иргэд нь ижил хувийн татвар төлдөг системийг ашиглаж эхэлсэн дэлхий дээрх анхны орон. Эстони улсын газар нутгийн тэн хагасыг ой мод бүрхдэг. Ийм учраас Эстони улс амьсгалахад хамгийн цэвэр агаартай орнуудын жагсаалтад зүй ёсоор багтдаг.
БАРИМТ 8
Эстони улс махчин амьтдын нягтшилт хамгийн өндөртэй орнуудын нэгээр нэрлэгддэг. Хэрэв та тус улсын зэрлэг байгалиар сайтар аялах юм бол чоно, хүрэн баавгай, шилүүс гэх мэт амьтадтай нүүр тулах боломжтой. Мөн Эстони улсын иргэд Таллин хотын нийтийн тээврээр үнэ төлбөргүй үйлчлүүлдэг.
БАРИМТ 9
20-аар зууны хамгийн шилдэг шатарчдын нэг болох Пауль Керес эстони хүн байсан. Тэрбээр дэлхийн аварга гэх цолыг хэд хэдэн удаа атгаад алдсан бөгөөд “Мөнхийн хоёрдугаар байрын эзэн”, “Шатрын ханхүү” гэх мэт хоч нэрстэй байсан. Их мастер 1975 онд нас барсан ба түүний оршуулгын ёслолд 100,000 гаруй хүн оролцсон
БАРИМТ 10
Эстони улсад тээврийн хэрэгсэл жолоодох үедээ өдрийн цагаар ч гэсэн гэрлээ бага зэрэг асаах тухай хууль байдаг. Таллин хотын нисэх онгоцны буудал дээр хүмүүс нэрийн хуудсаа тогтоож орхидог хана байдаг. Та уг ханан дээрээс өөрт хэрэгтэй нэгний нэрийн хуудсыг авч холбоо тогтоох боломжтой
БАРИМТ 11
Эстоничууд маш үзэсгэлэнтэй ард түмэн гэдэгтэй маргах хүн байхгүй байх. Тэд 100,000 хүн тутамд харьяалагддаг супер моделийн тоогоороо дэлхийд тэргүүлдэг. Эстони улсын хамгийн өндөрлөг цэг нь далайн түвшнээс дээш 318 метрийн өндөрт орших Суур Мунамаг гэх уул
БАРИМТ 12
Насанд хүрсэн эстоничуудын 19 хувь нь хөдөлмөр эрхэлдэггүй. Мөн хүмүүсийн нас баралтын хувь төрөлтийн хувиас их байгаа тул тус улсын хүн ам жил өнгөрөх тусам багасаж байгаа. Эстони улсад дэлхийн үнэт өвөөр нэрлэгдэж ЮНЕСКО-д бүртгэгдсэн хоёр түүхэн дурсгалт газар байдаг. Тэдний нэг нь 13-аас зуунаас гаралтай Таллины хуучин хот бол, хоёр дахь нь Струве геодезийн нум гэх нэртэй шинжлэх ухааны судалгааны гурвалжингийн гинжин хэлхээ.
БАРИМТ 13
Цахим үндэстэн гэж хэн нэгнийг нэрлэх ёстой бол уг нэрийг эстоничууд хүртэх эрхтэй. Тус улсын иргэд 2005 оноос хойш сонгуульд цахимаар оролцсоор ирсэн бөгөөд улсын бараг өнцөг булан бүр интернет сүлжээтэй холбогдсон. Мөн дэлхий дээрх хамгийн нэр хүндтэй цахим хэрэгслүүдийн нэг болох Скайпыг эстоничууд бүтээсэн.
БАРИМТ 14
Эстони улсын газар нутаг тийм ч өндөр биш. Гэхдээ тэнд амьдардаг хүмүүс маш өндөр. Эстони эмэгтэйчүүдийн дундаж өндөр 169 сантиметр байдаг бол эрчүүдийн дундаж өндөр 180 сантиметр. Мөн та Эстони улсаар аялахаар төлөвлөж байвал ихэнх эстоничууд англи, орос, финланд, герман гэх хэлнүүдээр ярих чадвартай. Тийм тэдэнтэй ойлголцоход хэл ярианы хувьд тийм ч их асуудал үүсэхгүй байх
БАРИМТ 15
Эстони улсын төрийн далбаа цэнхэр, хар, цагаан өнгийн ижил хэмжээтэй хэвтээ зурааснуудаас бүрддэг. Цэнхэр өнгө нь итгэл болон үнэнч байдлыг, хар өнгө нь өнгөрсөнд үлдсэн хүнд цаг үеийг болон Эстони улсын хөрсийг, цагаан өнгө нь буян болон гэгээрэлд хүрэх замыг тус тус бэлгэддэг.
БАРИМТ 16
Насанд хүрсэн эстоничуудын 99.8 хувь нь (дэлхийд хоёрдугаар байранд орох амжилт) бичиг үсэг тайлагдсан. Үүнээс та бүхэн эстоничууд боловсролыг ямар ихээр эрхэмлэдэг ард түмэн гэдгийг харах боломжтой бөгөөд эстони хүүхдүүд сурлагын амжилтаараа Европ тивд тэргүүлдэг. Харин дэлхийд тэд унших чадвараараа тавдугаар, математикийн хичээлээр наймдугаар, шинжлэх ухааны хичээлээр дөрөвдүгээр байруудад тус тус жагсдаг.
БАРИМТ 17
Эхнэрээ үүрээд бартаатай замаар уралддаг өвөрмөц тэмцээн жил бүр Эстони улсад зохиогддог. Уг тэмцээнд Европын олон орноос хосууд ирж оролцдог. Эстоничуудын соёлын хамгийн чухал хэсэг бол ардын дуу. Тус улсад 133,000 ардын дуу байдаг бөгөөд уг тоогоороо дэлхийн бүх орныг тэргүүлдэг
БАРИМТ 18
Эстони улс ард иргэдээ давхар иргэншил эзэмшихийг зөвшөөрдөггүй. Эстони улсад жил бүр хэдэн сая нүүдлийн шувууд цугладаг. Шувуу судлаачид Эстони улсад жил бүрийн гуравдугаар сарын эхээр 380 төрөл зүйлийн шувуудыг ажиглахын тулд цуглацгаадаг. Эстони улсын хамгийн том нуур болох Пеипси нь Европ тивийн дөрөв дэх том цэнгэг уст нуур юм.
БАРИМТ 19
Хэд хэдэн домогт өгүүлснээр анхны зул сарын мод Таллин хотын төв талбайд 1441 онд таригдсан гэдэг. Эстоничуудын амьдралын салшгүй нэг хэсэг нь саун бөгөөд ихэнх байшингууд дотроо хувийн саунтай байдаг. Мөн төрийн үйлчилгээний 99 хувь нь цахимаар хийгддэг тул эстоничууд маш их хэмжээний цаг хэмнэдэг.
БАРИМТ 20
Эстони улсын баг тамирчид 1920 оноос эх орноо төлөөлөн олимпд оролцож эхэлсэн. Гэхдээ тэд 1948 оны Лондонгийн олимпыг өнжсөн бөгөөд 1952-1988 оны хооронд Зөвлөлт Холбоот улсын нэг хэсэг болж олимпд оролцсон. Харин 1992 оноос хойш тэд эх орныхоо туг дор олимпд өрсөлдсөөр байгаа.
БАРИМТ 21
Одоогийн байдлаар Эстони улс зуны олимпоос 10 алт, 9 мөнгө, 17 хүрэл медаль, өвлийн олимпоос 4 алт, 2 мөнгө, 2 хүрэл медалийг хүртсэн. Уг тоонд эстони тамирчдын Зөвлөлт Холбоот улсын нэрийн өмнөөс авсан медалиудыг оруулаагүй. Эстоничуудын хамгийн өндөр амжилт үзүүлдэг спортын төрлүүдийг нэрлэвэл чөлөөт бөх, хөнгөн атлетик, хүндийг өргөлт, туялзуур сэлэм гэх мэт
БАРИМТ 22
эд хэдэн эх сурвалжаас үзэхэд Эстони улс дахь Гэгээн Олафын сүм 1549-1625 оны хооронд дэлхийн хамгийн өнөр барилга байсан. 1590 онд уг сүм 125 метрийн өндөртэй байсан ба 10 гаран удаа аянгад цохиулж, гурван удаа галд автан шатаж байсан гэнэ. Одоо уг сүм Таллин хотод байдаг.
БАРИМТ 23
Эстоничууд шинэ юм хийж эхлэхээс айдаггүй хүмүүс. Тус улс нийт хүн амд нь оногдох шинээр үүд хаалгаа нээж буй бизнесийн тоогоороо дэлхийд тэргүүлдэг. Эстони улсад 100 эмэгтэйд 84 эрэгтэй хүн харьяалагддаг. Үүнээс харахад тус улсын ганц бие эмэгтэйчүүдийн хувь нэлээд өндөр байх ёстой.
БАРИМТ 24
Эстони улс дахь хамгийн хүйтэн үе бол нэгээс хоёрдугаар сар. Уг үед агаарын температур Цельсийн хасаг 35 хэм хүртэл буурдаг бөгөөд Эстони улсад бүртгэгдэж байсан хамгийн бага температур бол Цельсийн хасах 43.5 хэм. Та Эстони улсад нийтийн гар утасны цэг олж харахгүй. Учир нь ихэнх эстоничууд өөрийн гэсэн гар утастай.
