2025 оны 11 дүгээр сарын 4-ний өдрийг 2024 оны 11 дүгээр сарын 4-ний өдрийн агаарын чанарын үзүүлэлтүүдтэй харьцуулахад дараах хорт бодисуудын хэмжээ 7.4-59.9 хувиар бага байна.
Тодруулбал, агаар бохирдуулагч хамгийн аюултай бодисын нэг 2.5 микрометрээс бага нарийн тоос буюу PM2.5 тоосонцор 7.4 хувиар бага байна. Тухайн бодис нь уушгины гүнд хүрч, цусанд шингэдэг тул хамгийн аюултай бохирдуулагч гэж тооцогддог. Энэ тоосонцрын хэмжээ өмнөх оны мөн үеэс 7.4 хувиар багасжээ.
Мөн өнгөрсөн онтой харьцуулахад агаар бохирдуулагч PM10 тоосонцор 2.6 хувиас бага, хүхрийн хий буюу SO2 59.9 хувиар бага, утааны хий буюу нүүрстөрөгчийн дутуу исэл CO 17.5 хувиар бага байна.
Л.Баяр
