БАРИМТ 1
Түүнийг Шаривын Батырбек гэдэг.
БАРИМТ 2
Баян-Өлгий аймгийн Бугат сумын уугуул.
БАРИМТ 3
2007 оны наймдугаар сарын 14-нд төрсөн.
БАРИМТ 4
"Эв Монгол клуб", "Тастүлек дэвжээ"-ний нэр дээрээс барилдаж байна.
БАРИМТ 5
Өөрийн төрсөн нутаг бугат сумындаа 2023 онд Сумын заан цол хүртсэн. Тэгэхдээ тэр 16 настай байжээ.
БАРИМТ 6
2020 онд 13 насандаа Баян-Өлгий аймгийн баяр наадамд зодоглон нэг давж, хоёрын даваанд Аймгийн хурц арслан Ш.Муратад өвдөг шороодож байв.
БАРИМТ 7
2021, 2022 онд аймгийнхаа баяр наадамд даваагүй тэрбээр 2023 оны Баян-Өлгий аймгийн баяр наадамд нэг давжээ. Мөн 2024 онд нэг давж, хоёрын даваанд Аймгийн арслан Б.Төмөрбаатарт унажээ.
БАРИМТ 8
Улмаар өнөө жилийн Баян-Өлгийн баяр наадамд нэгийн даваанд Сумын заан Б.Авдулжапарыг, хоёрын даваанд Аймгийн харцага А.Айбекийг, гурвын даваанд Аймгийн арслан Т.Эрболатыг давж дөрвийн даваанд Аймгийн арслан А.Аманбект унасан юм.
БАРИМТ 9
Тэрбээр Сумын заан цолтой болон залуу бөхчүүдийн ээлжит барилдаануудад тогтмол хоёр, гурав давдаг.
БАРИМТ 10
Энэ оны гуравдугаар сард болсон ээлжит барилдаанд дөрөв давж, тавын даваанд өнөө жилийн Дархан-Уул аймгийн баяр наадамд үзүүрлэсэн Э.Түмэннасанд унажээ.
БАРИМТ 11
.Батырбек нь 2017 онд Баянхонгор аймагт болсон өсвөрийн бөхийн барилдаанд түрүүлж байв.
БАРИМТ 12
2018 оны сүмо бөхийн өсвөрийн улсын аварга шалгаруулах тэмцээний хүрэл медальтай.
БАРИМТ 13
Жүдо бөхийн баруун бүсийн тэмцээний мөнгө, жүдо бөхийн өсвөрийн УАШТ-ий мөнгөн медальтай.
БАРИМТ 14
"Аваргын гараа" барилдааны хүрэл медальтай өсөх ирээдүйтэй бөх юм.
БАРИМТ 15
Түүний аав н.Шарив нь аймгийн начин цолтой юм байна.
Сэтгэгдэл (1)