Хот байгуулалт, барилга, орон сууцжуулалтын сайд Э.Бат-Амгалан:

"Төрийн оролцоотой баригдаж байгаа орон сууцнууд Улаанбаатар хотод түлхүү бий.  Нийслэлийн хэмжээнд есөн байршилд 2025-2028 оны хооронд 21694 айлын орон сууц ашиглалтад орохоор баригдаж байна.

Засгийн газрын өнөөдрийн хуралдаанаас багш, эмч болоод төрийн албан хаагч нарыг эдгээр орон сууцанд хамруулах асуудлыг судлах ажлын хэсгийг байгууллаа. Ажлын хэсгийг миний бие ахалж, Боловсролын сайд П.Наранбаяр, Эрүүл мэндийн сайд Ж.Чинбүрэн болон бусад сайд нарыг багтаан байгуулсан.  Энэ он дотроо багтаад ажлын хэсэг дээрх асуудалтай холбоотой шийдлийг танилцуулах үүрэг хүлээлээ.

Эхний ээлжинд дээрх 21694 айлын орон сууцанд багш, эмч, төрийн албан хаагч нарыг хамруулах юм. Урьдчилгаа багатайгаар буюу 5-10 хувийн урьдчилгаа төлж, ипотекийн зээлд хамруулах асуудлыг судлана.Мөн ажлын хэсэг ипотекийн зээлийн эх үүсвэрийг хаанаас гаргах вэ гэдгийг судална" гэлээ.