“Эрх чөлөөний парад-2012” “Хүнийг хүнээр нь хайрлая” уриан дор тав дахь жилдээ зохиогдож байна. Парад маргааш өдрийн 12 цагаас Битлзийн хөшөөний урд болох гэж байна.

“Эрх чөлөөний парад-2012” “Хүнийг хүнээр нь хайрлая” уриан дор тав дахь жилдээ зохиогдож байна. Парад маргааш өдрийн 12 цагаас Битлзийн хөшөөний урд болох гэж байна.

Эрх чөлөөний парадыг хүнийг нас, хүйс, бэлгийн баримжаа, нийгмийн гарал зэргээр нь ялгаварлан гадуурхахын эсрэг тэмцэж буй “Эрхийнхээ төлөө гараа өргөцгөөе!” залуусын аян,  Монголын Эмнести Интернэшнл, ЛГБТ төв, Өөрчлөлтийн төлөөх залуу эмэгтэйчүүд, Хүүхэд хүүхдийн төлөө, Охид, залуу эмэгтэйчүүдийн эрхийг хамгаалах Гүнж төвийн дэргэдэх Гүнжээгийн клуб, Мөрөөдлийн хөтөч зэрэг хүүхэд, залуусын ТББ, бүлгүүд хамтран зохион байгуулж байгаа аж.

Хүн бүр оюун санаа, бие махь бодиороо цор ганц, бүгд адил үнэ цэнэтэй, эрхэм чанартай бас тэгш эрхтэй гэдгийг мэдрүүлж, эрх чөлөөнийх нь мэдрэмжийг сэргээхэд парад бүхэлдээ чиглэсэн юм байна.

Эрх Чөлөөний Парадад залуу дуучид, бүжгийн хамтлагууд болон залуусын чөлөөт тоглолт болох учраас нэг өдрийг хөгжилтэй бас эрх чөлөөгөө мэдэрч өнгөрүүлэх боломжтой хэмээн зохион байгуулагчид мэдэгдэж байна.