Английн Кэмбрижийн их сургуулийн удирдлагууд нэгдүгээр курсын оюутнуудынхаа бэлгийн боловсролд ихээхэн анхаарч, тэдэнд олон тооны бэлгэвч тарааж байна. Энэ сургуульд элсэн ороод эхний жилдээ суралцаж байгаа оюутнуудад долоо хоногт 60 ширхэг бэлгэвч үнэгүй олгох шийдвэр гаргасан нь тэднийг БЗХӨ болон хүсээгүй жирэмслэлтээс сэргийлэхэд нь туслах зорилготой аж. Өөрөөр хэлбэл оюутнууд зургаан бэлгэвчийг бэлгийн эрүүл мэндийн талаарх мэдээлэлтэй хавсаргасан багцыг долоо хоногт дээд тал нь 10 удаа авч болно.

Тэгэхээр нэгдүгээр курсын 3.500 оюутан өөрсдөд нь ногдох бүх бэлгэвчээ аваад байвал жилийн дараа нийтдээ 10.920.000 бэлгэвч тараагдана гэсэн үг юм. Кэмбрижийн их сургуулийн ажилтан Крис Пейж бэлгэвч тараах санаачлагыг оюутнууд тун “эерэгээр” хүлээж авсныг хэлсэн байна. Кэмбриж дээр түүнчлэн БЗХӨ-ний шинжилгээ, жирэмсний тест үнэгүй авч, бэлгийн боловсролын талаар сургалт зохион байгуулж байгаа ажээ.