Өчигдөр өглөө дуучин Рианнагийн удахгүй худалдаанд гарах гэж буй Unapologetic цомгийнхоо нүүр зургийг олонд дэлгэжээ. Хөгжмийн ертөнцөд хөл тавьсан долоо дахь жилдээ долоо дахь цомог нь болон гарч буй Unapologetic-ийн нүүрэнд Рианна цээж нүцгэн зургаа тавьжээ. 24 настай халуухан одын цээжин хайртай шивээсээс нь гадна хайр, итгэл, цэнгэл, айдасгүй, аз жаргалтай, хориотой гэх зэрэг үгс бичигдсэн байв.

Үргэлж сонин содон хувцаслалт, этгээд үйлдлээрээ олны анхаарлыг татаж байдаг дуучин бүсгүй ирэх хоёр сарын хугацаанд шинэ цомгоо сурталчлах аялалд гарах аж. Нийгэмд хүмүүсийн бодож байгаагаас яг эсрэгээр нь аливаа зүйлийг хийх дуртай тэрээр хийсэн зүйлдээ гэмшдэггүй ч бас өөрийгөө өмгөөлдөггүй зантай нэгэн. Ялангуяа Рианна сүүлийн үед экс найз залуу Крис Браунтай хамт байх нь олширч, олон нийтийн зүгээс ихээхэн шүүмжлэлд өртөөд байгаа билээ.

Д.Идэр