Энэ сарын 10-нд буюу өнгөрсөн лхагва гаригт Сүхбаатар дүүргийн долдугаар хороо, Залуучуудын гудамжинд байрлах “Орчлон” сургуулийн сурагчид үдийн цайндаа хордсон талаар мэдээлсэн. Харин энэ талаар тус сургуулийн гүйцэтгэх захирал Ц.Жаргалмаагаас тодруулахад “Одоогоор хоолонд хордсон гэсэн албан ёсны дүгнэлт гараагүй байна.
    Энэ сарын 10-нд буюу өнгөрсөн лхагва гаригт Сүхбаатар дүүргийн долдугаар хороо, Залуучуудын гудамжинд байрлах “Орчлон” сургуулийн сурагчид үдийн цайндаа хордсон талаар мэдээлсэн. Харин энэ талаар тус сургуулийн гүйцэтгэх захирал Ц.Жаргалмаагаас тодруулахад “Одоогоор хоолонд хордсон гэсэн албан ёсны дүгнэлт гараагүй байна. Өчигдөр ХӨСҮТ-ийн судалгаа тандалтын баг, өнөөдөр Мэргэжлийн хяналтын газраас шинжилгээ аваад явсан. Шинжилгээний хариу 72 цагийн дараа гарна. Тодорхой тооны сурагчид эмнэлэгт хэвтэн эмчлүүлж байгаа” гэв. Албан бус эх сурвалжийн мэдээлснээр хүүхдүүд будаанаас хордсон байж болзошгүй юм байна. Өмнө нь Хан-Уул дүүргийн 34 дүгээр сургуулийн сурагчид үдийн цайнаасаа хордож, шинжилгээгээр будаанаас нь хордсон нь батлагдсан билээ.