Хоёр шатны шүүхээс дөрвөн жилийн хорих ял сонссон МАХН-ын дарга Н.Энхбаярт өнөөдөр Нийслэлийн шүүхээс ялыг тогтоолыг гардууллаа. Тиймээс тэрээр одоо Улсын дээд шүүхийн хяналтын шатны шүүхэд гомдлоо гаргах эрхтэй болж байгаа юм.
    Хоёр шатны шүүхээс дөрвөн жилийн хорих ял сонссон МАХН-ын дарга Н.Энхбаярт өнөөдөр Нийслэлийн шүүхээс ялыг тогтоолыг гардууллаа. Тиймээс тэрээр одоо Улсын дээд шүүхийн хяналтын шатны шүүхэд 14 хоногийн дотор гомдлоо гаргах эрхтэй болж байгаа юм. Түүнийг Эрүүгийн хуулийн 150.3, 263.2-т зааснаар буруутган ялласан. Гэвч Н.Энхбаяр болон түүний өмгөөлөгч, ар гэрийнхэн, намынхан нь түүнийг хэлмэгдсэн хэмээн үзэж, Нийслэлийн давж заалдах шатны шүүхэд хандсан. Харин давж заалдах шатны хурал өнгөрсөн есдүгээр сарын 25-нд болж, түүний ялыг хэвээр баталсан юм. Тиймээс түүний өмгөөлөгч С.Нарангэрэл Улсын дээд шүүхийн хяналтын шатны шүүхэд хандахаа мэдэгдээд байгаа билээ. Н.Энхбаяр өдгөө Сайд нарын гэгдэх хоёрдугаар эмнэлэгт хэвтэн эмчлүүлж буй.