Хоёр настай охиноо харгисаар зодож, гарыг нь хананд цавуудсан АНУ-ын Даллас мужийн оршин суугчид өчигдөр 99 жилийн хорих ял оноолоо.

Хоёр настай охиноо харгисаар зодож, гарыг нь хананд цавуудсан АНУ-ын Даллас мужийн оршин суугчид өчигдөр 99 жилийн хорих ял оноолоо.

Шүүгч Ларри Мишель 23 настай Элизабет Эскаланод 99 жилийн ялын тогтоол сонсгоход тэрээр тэр даруйд ямар нэгэн сэтгэл хөдлөл үзүүлээгүй байна. Шүүгч Ларри Мишель “Түүнд 45 жилийн ял онооё хэмээн шийдэх гэж байтал  нэг зүйлийг харгалзан дээрх ялыг оноосон” гэж хэвлэлийнхэнд мэдэгдсэн байна.

Учир нь Элизабет Эскалано өнгөрсөн долдугаар сард охиноо харисаар зодохоос өмнө 2011 оны 9 сарын 7-ны өдөр түүнийг нэг настай байхад нь ихээр зодож байсан байна.

Яллагдагчийн хүүхдүүд эрх баригчдад ээж нь Жослин дүүг нь хэрхэн зодсон талаар ярьсан байна. Элизабет Эскалано хоёр настай төрсөн охиноо хөтөвчинд сууж шээж сураагүйгээс нь болж зодсон хэмээн мэдэгджээ.

Тэр охиныхоо гэдэсрүү өшиглөж, сүүны шилээр цохиж, дараа түүний гарыг супер цавуугаар хананд наасан байжээ. Тархиндаа цус алдсан ч амьд гарсан хоёр настай Жослин охины хавирга нь хугарч, бие дээр нь олон тооны хөхөрсөн толбо, хазуулсан шүдний мөр үлдсэн, гарын арьс нь шалбарсан байсан талаар эмч нар ярьсан байна.

Элизабет Эскаланогийн таван хүүхдийг түүний ээж Офелия Эскалано халамжлахаар болсон байна. Ялын тогтоол сонсгох үеэр түүний ээж, эгч нар өршөөл хүсч чангаар уйлсан байна.

Д.Идэр