Монголд хуруу дарам цөөхөн байдаг охидын хамтлаг дотроос “Киви”, “3 охин”, “Sweetemotion” хамтлагийнхан ур чадвар, уран бүтээл, стиль имижээрээ бусдаасаа ялгардаг. Охидын хамтлаг дотроосоо л толгой зохидог энэхүү хамтлагийн тачаангуй бүсгүйчүүдийн дуртай брэнд, косметик хийгээд өдөр тутмын хэрэглээг сонирхуулж байна.

    Д.Соло: Брэнд хөөцөлддөггүй. Өөртөө тохирсон хувцсыг л сонгодог гэх Соло цүнх, шил л заавал брэндийн байх ёстой гэж үздэг нэгэн. Одоогоор түүнд гуч арай хүрэхгүй нүдний шил байдаг. Сологийн хувцасны шүүгээнд ихэвчлэн даашинз байдаг гэнэ шүү. Даашинзуудаа ихэвчлэн гадагшаа явахдаа  авчихдаг бөгөөд. заримдаа дэлгүүртэй найзууд  нь чамд тохирох хувцас ирсэн шүү гэж зар тараадаг аж. Харин үнэртэй усны хувьд Диорын хоёр,  гурван төрлийн ус ээлжилж хэрэглээд заншчихсаж. Түүнд ихэвчлэн бэлгэнд авсан үнэртэй уснууд байдаг. Түүнчлэн дуучин бүсгүй маань туфлинд харинч нэг  гар татдаггүй гэнэ шүү.

    Г.Анхмаа: Гоёлын даашинз, тоглолтынхоо хувцсыг Отгоо хэмээх бүсгүйгээр хийлгэдэг. Мөн “Урлах эрдэм” дээд сургуулийн загварын товчоогоор байнга үйлчлүүлдэг. Энгийн үедээ залуусын түгээмэл сонирхдог  “Gucci” фирмийн хувцаснаас сонгож авдаг. Харин дотуур хувцасныхаа сонголтыг “Victory secret”-ээс хийдэг ажээ.   Утас нь “Nokia E-71”, ” Samsung”. Тэгвэл машин нь “Nissan” аж.  Тэрбээр залуу насаараа гоёх дуртай. Тийм болохоор учиргүй брэнд, фирм гэж хөөдөггүй нэгэн. Уран бүтээлч хүний хувьд гоёл, тайзны хувцас сонголтынхоо үзэмж, өнгөнд нь анхаарал хандуулдаг. Харин  амьдрал  дээр өмсөх энгийн хувцсанд чанарыг илүү эрхэмлэдэг. Дуучин бүсгүй маань тансаг үнэртэн цуглуулах дуртай. Түүнд “Gucci”, “Dior” фирмийн сүрчиг таалагддаг.  Харин нүдний шилний хувьд  “Dior” фирмийн шил ихэвчлэн зүүдэг. Үсээ халимаг болгосноос хойш жижиг шигтгээтэй ээмэг, зүүлт зүүдэг болсон.  Түүнчлэн Анхмаад  гутлын сонголт  их бий бөгөөд гадаадаас “Gucci”, “Dior” фирмийн гутал сонгож авах жишээтэй.  Сологийн хувьд туфлинд гар татдаггүй бол Анхмаагийн хувьд дотуур хувцасанд мөнгө ерөөсөө хайрладаггүй гэнэ дээ.

    Х.Ану: Үнэртэй усны хувьд “Armani”, “D&G”, “Dior”, “Bulgari”, “Escada”, “Diesel”-ын уснууд хэрэглэдэг. Харин гоо сайхны бүтээгдэхүүний хувьд “Estee lauder”-ийг сонгодог. “Victoria secret”-ийн үнэнч хэрэглэгч. Түүнд гоёлын загвар олон  бий. Тэрбээр “Victoria secret”-ийн дотуур хувцасыг эмэгтэй хүний бие галбирыг хамгийн гоё, дур булаам харагдуулж чаддаг гэж боддог. Ниссан” маркийн машинтай тэрбээр хотоос гадагшаа гарсан үедээ 120 мильтэй давхидаг гэнэ.

    Ука: Ямар ч юмханаар өөрийгөө болгодог Ука наймдугаар ангид байхдаа өргөн өмд олдохгүй болохоор нь аавынхаа өмдийг өмсөөд сургууль руугаа явжээ. Мода дагадаг Укаг өргөн өмдтэй сургууль руу оруулахгүй болохоор сургуулийн үүд хүртэл өмсөөд, завсарлагаанаар дахиад л өмсчихдөг байсан гэдэг. Укаг ганган хүүхэн гэдэг. Түүний д уртай брэнд Channel, Gucci. Тайзан дээр гарахдаа Christian Dior Cherry-г түрхдэг.  Түүнийг бохь зажлан телевизээр гарахыг олон ч удаа харсан биз. Соёлгүй гэж олон хүнд ч шүүмжлүүлдэг. Ямартай ч түүний зажилдаг бохь Orbit, Lotte гэнэ. Халуухан Укагийн дотуур хувцасны сонголтод үргэлж Calvin Klein багтдаг. Ука гоо сайхандаа “Монос”-ын бүтээгдэхүүн илүү хэрэглэдэг.

    П.Агий:  Өөрийн гоо сайхандаа 100 хувь сэтгэл хангалуун байдаг Агийгийн хувьд  хоолны дэглэм барьдаггүй. Фитнессээр бол хичээллэдэг. Байнгын бүжгийн бэлтгэлтэй байдаг. Түүний гоо сайхандаа анхаарал хандуулж байгаа нэг хэлбэр бол сайн унтаж амрах. Эмэгтэй хүний арьс унтах үед илүү тайвширч амардаг гэдэг зарчимыг баримталж буй нь энэ. Түүнээс өндөр үнэтэй косметик брэнд хэрэглэдэггүй гэсэн шүү. Үеийнхэнтэйгээ харьцуулахад тэрбээр нүүрэндээ будаг нэг их хэрэглэдэггүй байсан аж.  Харин “Киви” хамтлагт орсноосоо хойш уруулаа будаж  макеир  хийж сурсан аж.  Тэрбээр  Lexus маркийн, хар теньтэй  машин, 70 саяын үнэтэй Infiniti FX35-аар гангардаг. Хааяа нэг замын хөдөлгөөнд номергүй машинтай оролцдог нь батлагдаж шар хэвлэлд зурагтайгаа гарч байсан юм. Агийгийн хаана ч ямар ч үед зүүх дуртай эрхэм гоёл нь унждаг загвартай,  улаан шигтгээтэй ээмэг. Тэрээр дэлхийд танигдсан тансаг брэндээр гоёх дуртай аж. Тэр дундаа хамтлагийн “Gucci”, “Zara”-г илүүтэй таашаадаг. Түүний даашинз, цүнх, гутал бүгд энэ брэндийх. Мөн үнэтэй үнэртэй ус цуглуулах дуртай гэдэг.

    Намуунаа: Киви гурван өөр “өнгөөс” бүрддэг. Тэгвэл Намуунаа олны дунд нэлээдгүй нэрээр алдаршсан юм. Хар сувд, өнгөлөг охин, эрлийз, хар сарнай, өнгөт үрэл, бор охин гээд олон хоч нэртэй нэгэн. Намуунаагийн гоо сайхан, нүүр будалтыг Эрдэнэсувд гэдэг бүсгүй хариуцан ажилладаг. Харин “Видаль” салонд үсээ арчлуулж,  “LV” брэндээр гангарч, гоёх дуртай.