Өнөөдөр В.И.Лениний хөшөөг буулгалаа. Уг ажиллагаанд нийслэлийн Засаг дарга бөгөөд Улаанбаатар хотын захирагч Э.Бат-Үүл болон албаны бусад хүмүүс, иргэд мөн гадаадын аялагчид оролцов. Хотын дарга Э.Бат-Үүл “Хүн төрөлхтний түүхэнд коммунистууд шиг үндэс угсаа нэгтнээ үй олноор нь өргөн цар хүрээтэй устгаж байсан нэг ч хүчин байгаагүй. Жишээ нь, Зөвлөлтийн удирдагч нар 20 сая иргэнээ хөнөөн устгаж байсан. Хятадын коммунист удирдагчид 60 сая иргэнээ хоморголон устгаж байсан. Энэ бол харийн түрэмгийлэгчид хятад хүнийг хөнөөж байсан тооноос 10 дахин их хэмжээний хүнийг хөнөөж байсан явдал. Мөн Камбожийн нийслэлд 8 сая хүний 3 саяыг устгаж байлаа. Коммунистууд эх орон нэгтнээ өргөн цар хүрээтэй устгаж байсан шиг тийм явдал хүн төрөлхтний түүхэнд хэзээ ч гарч байгаагүй. Коммунистууд шиг ийм хүчин хаана ч байхгүй. Тэдний устгасан хүний тоо 100 саяд хүрсэн гэж үздэг. Ямар ч дайн ийм их хүн устгаж байгаагүй” хэмээн ярьсан юм. Мөн “Хамгийн гол нь эх орон нэгтнээ, үндэс угсаа нэгтнээ шашин шүтсэнийх нь төлөө, тайж гаралтай байсны төлөө, үзэл бодлыг нь зөвшөөрөөгүй гээд бууддаг байсан. Ямар ч гэмгүй хүнийг устгадаг. Ийм аймшигт хүчнийг бий болгосон хүн нь В.И.Ленин юм. Амнаас нь ал, устга, шатаа, хороо гэдэг үг л гардаг байсан” гэв.
Сэтгэгдэл (45)