Насанд хүрээгүй хүүхэд давтан хүчиндсэн гэх Д.Ганбаатарыг өнөөдөр Сонгинохайрхан дүүргийн шүүхэд шүүх байсан ч хойшиллоо. Учир нь шүүгдэгчийн өмгөөлөгчийн зүгээс насанд хүрээгүй хохирогчийг шүүх хуралдаанд зайлшгүй оролцуулах шаардлагатай гэсэн хүсэлтийг шүүх бүрэлдэхүүнд тавьсан байна.
    Насанд хүрээгүй хүүхэд давтан хүчиндсэн гэх Д.Ганбаатарыг өнөөдөр Сонгинохайрхан дүүргийн шүүхэд шүүх байсан ч хойшиллоо. Учир нь шүүгдэгчийн өмгөөлөгчийн зүгээс насанд хүрээгүй хохирогчийг шүүх хуралдаанд зайлшгүй оролцуулах шаардлагатай гэсэн хүсэлтийг шүүх бүрэлдэхүүнд тавьсан байна.
     Уг хүсэлтийг шүүх бүрэлдэхүүн хүлээн авснаар энэ сарын 31-ны хүртэл хойшилжээ. Хуралд шүүгчээр Ү.Түмэнжаргал, улсын яллагчаар Нийслэлийн прокурорын хяналтын прокурор М.Сүхчулуун, өмгөөлөгчөөр Н.Болорцэцэг, Н.Ариунтариа, М.Алтанцэцэг, хохирогч, гэрч, орчуулагч, хэлмэрч, шинжээч, хууль ёсны төлөөлөгчөөр Д.Анужин, Н.Оюун-Эрдэнэ, Ж.Нансалмаа, Г.Жавзандулам нар оролцов.
    Түүнийг Эрүүгийн хуулийн тусгай ангийн 126.2.3, 126.2.4, 126.3-т зааснаар буруутгаж буй. 126.2.3-т давтан, 126.2.4-т насанд хүрээгүй хүнийг, 126.3-т хэргийг онц аюултай гэмт хэрэгтэн, зохион байгуулалттай бүлэг, гэмт бүлэглэл үйлдсэн, уг хэргийн улмаас хүний амь нас хохирсон, бусад хүнд хор уршиг учирсан, эсхүл бага насны, өөрөөр хэлбэл арван дөрвөн насанд хүрээгүй хүүхдийг хүчиндсэн бол арван таваас дээш хорин таван жил хүртэл хугацаагаар хорих, эсхүл цаазаар авах ял шийтгэнэ хэмээн заажээ.