"Шарын гол" компанийн удирдлагуудыг шинээр томилсон тухай тус компани мэдээллээ. Тухайлбал, гүйцэтгэх захирлаар "Би эйч би биллитон плси" компанийн удирдлагын багийн гишүүн асан Грам Чапман, санхүү эрхэлсэн захирлаар "Норвест энд Рояль Көүл" корпорацийн удирдлагын багийн гишүүн асан Жеймс Флорес, үйл ажиллагаа эрхэлсэн захирлаар Австрали болон Инденозеийн нүүрсний уурхайд ажиллаж байсан Жеймс Гоулдиг томилжээ. Харин ТУЗ-ийн дарга Б. Батмөнхийг хэвээр үлдээсэн байна. Тус компани сүүлд хийсэн өрөмдлөгийн үеэр Шарын голын уурхайн хэсэгт дэлхийн хэмжээний эрчим хүчний зориулалтгай нүүрсний томоохон нөөц илрүүлжээ. Мөн 2013 онд нэг сая тонн нүүрс олборлохоор төлөвлөж байгаа бол 2016онд жилдээ таван саяыг олборлохоор тооцоолжээ. Уурхайн ашиглалтын жилийг 40-өөс дээш гэж тооцоолж байгаа юм байна.