Монголын шүүхийн байгууллагыг хөгжүүлэхэд оруулсан хувь нэмрийг нь үнэлж Японы олон улсын хамтын ажиллагааны байгууллагын “Эвлэрүүлэн зуучлах тогтолцоог сайжруулах” төслийн ахлах зөвлөх Ока Хидео, уг төслийн богино хугацааны мэргэжилтэн, Япон дахь зөвлөх багийн ахлагч, профессор Инаба Казуто нарыг Шүүхийн ерөнхий зөвлөлийн “Хүндэт тэмдэг”-ээр шагнасан байна.

Энэ тухай 57 тоот захирамжийг Монгол Улсын Дээд шүүхийн Ерөнхий шүүгч, Шүүхийн ерөнхий зөвлөлийн дарга Ц.Зориг энэ сарын 9-ний өдөр гаргасан бөгөөд шагналыг өнөөдөр Шүүхийн ерөнхий зөвлөлийн гүйцэтгэх нарийн бичгийг дарга Н.Ганбаяр гардуулан өглөө.