"Эра модель” агентлагаас жил бүр уламжлал болгон зохиодог оны шилдэг рекламны дүр төрх, шинэ загвар өмсөгч тодруулах “New face” уралдаан ирэх 11 дүгээр сард болох гэж байна. Хүүхэд залуусын гоо зүйн хөгжлийн "Эра" төвөөс хүүхэд залуучуудын соёл хүмүүжил, гоо сайхан, биеэ хэрхэн зөв авч явахтай холбоотой олон тэмцээн уралдаануудыг зохион байгуулсаар ирсний нэг нь “NEW FACE” юм. Тус уралдааны зорилго нь залуусын гадаад болон дотоод гоо сайхнын талаархи ойлголтыг өргөжүүлэхэд оршдог.  Бидний сайн мэдэх Дэлхийн мисс тэмцээний оролцогч Б.Батцэцэг, Топ модель Э.Сэлэнгэ, О.Уянга, Шилдэг загвар өмсөгч М. Хэрлэн М.Сэлэнгэ, Гэрэлчулуун Санжмятав, Ганзориг,  Фото модель, хөтлөгч Учрал, Энхзаяа, Мөнхжаргал гээд бүгд энэ л тэмцээнээс загварын гараагаа эхэлж байжээ. 24tsag.mn "New Face" уралдаанаас төрөн гарсан шилдэг 24 загвар өмсөгчийг танилцуулж байна.

Чансаагаараа дэлхийн хэмжээнд гуравдугаарт бичигддэг "Miss International 2012" тэмцээнд оролцсон мисс Д.Долгион нь "New face" уралдааны 2009 оны ялагч юм.

 Шилдэг загвар өмсөгч Т.Халиун. "New face 2002" оны ялагч.

 Монголын урдаа барьдаг цөөхөн топ моделын нэг Э.Сэлэнгэ. Э.Сэлэнгэ ч мөн энэ уралдаанаас загварын гараагаа эхэлсэн юм. 

 "Учиртай гурав" киноны гол дүрийг бүтээсэн жүжигчин Б.Сайнаа.

Шилдэг модель Хэрлэн. Энэ залуу бүжигчин мэргэжилтэй ч "New face"-д орж ялагч болж чадсан юм.

"New face" уралдаанаас төрсөн шилдэг модель.Ч.Долгорсүрэн нь Италийн Милан хотод болсон "Мисс мотор" олон улсын тэмцээний дэд байрыг хүртжээ.

Загвар өмсөгч Б.Батцэцэгийг хамгийн амжилттай яваа модель гэж хэлж болох юм. Тэрээр одоо Азийн томоохон загварын агентлагт загвар өмсөж байгаа.

 Загварын үе үеийн моделиудаас рок попын тайзруу багын мөрөөдөлдөө хөтлөгдөн орсон О.Пүрэвдулам жилийн өмнөөс дуулж эхлэсэн. Зар сурталчилгааны салбарт хамгийн эрэлттэй моделийн нэг тэрээр "New face" уралдааны 2006 оны ялагч юм.

 Мисс Солонго. "New Face 2010" наадмийн ялагч тэрээр БНХАУ-ын ӨМӨЗО-д болсон "Монгол туургатан" мисс тэмцээний тэргүүн дэд байр мөн "Miss international queen" тэмцээний шилдэг 10-т орсон юм.

 "Тусгай салаа" киноны Номингийн дүрээр олонд танигдсан жүжигчин Гэрэлчулууныг хамгийн өсөх ирээдүйтэй загвар өмсөгч гэдэг. Тэрээр "New Face 2005" наадмын ялагч болж байжээ.

"UВS" телевизийн хөтлөгч Учрал. 2005 оны "New Face" наадмын шилдэг оролцогч.

 Загвар өмсөгч Түмэнжаргал ч мөн энэ наадмаас төрөн гарсан юм.

 2011 оны ялагч Даряа.

 2004 оны "New Face"-ийн ялагч Мөөжий.

 Шилдэг эрэгтэй модель Билгүүдэй. Энэ залуу АНУ-д жүжигчний мэргэжлээр сурч төгссөн.

"Голомт банк"-ны теллер бүсгүй Мөнгөн-Оюун 2006 оны "New face" уралдаанд амжилттай оролцсон юм.

2004 оны "fashion" эмэгтэй ялагч Э.Майсүрэн.

 2003 оны шилдэг оролцог Санчигаа. Мөн ч олон реклам, сурталчилгааны самбар дээрээс түүнийг харж байсан даа.

 Мөн 2003 онд "New Face" наадамд амжилттай оролцсон Буянаа.

  "New face 2011" наадмын ялагч Э.Сэлэнгэ. Монголын шилдэг загвар өмсөгчдийн нэг.






 Загвар өмсөгч, модель Цацрал.

Модель Баттулга.

24tsag.mn