Машин хүний амьдралын салшгүй хэрэглээ, хамгийн итгэлтэй “үйлчлэгч” билээ. Жилээс жилд машинуудын хэв загвар, хүчин чадал өөрчлөгдсөөр байдаг. Харин 2013 онд худалдаанд гарах төмөр хүлгүүдийн хамгийн шилдэг 12-ыг 24 цаг сайт танилцуулж байна.

Машин хүний амьдралын салшгүй хэрэглээ, хамгийн итгэлтэй “үйлчлэгч” билээ. Жилээс жилд машинуудын хэв загвар, хүчин чадал өөрчлөгдсөөр байдаг. Харин 2013 онд худалдаанд гарах төмөр хүлгүүдийн хамгийн шилдэг 12-ыг 24 цаг сайт танилцуулж байна.
12. Chevrolet Spark- 2.3 метр өргөн дугуйн суурьтай Chevrolet Spark энэ намар худалдаанд гарах машинуудын хамгийн жижиг нь. Таван хаалгатай энэхүү жижиг машин замын хөдөлгөөнд маш сайн зохицдог. Энэ машиныг эдийн засагт маш хэмнэлттэй хэмээн тодорхойлж байна. Хотын доторх замд 50 км-т 3.7 литр, хурдны замд 60 км-т 3.7 литр бензин иддэг. Дотроо маш зайтай, тоноглол сайтай энэхүү хүлэг 13 мянган доллараас эхэлж зарагдах аж.

11. Audi Allroad- Дөрвөн дугуйгаар мааждаг шинэ загварын Audi хийн хоолойн компрессортой, дөрвөн цилиндртэй хөдөлгүүртэй. Бас нэг сайшаалтай зүйл нь “Google Earth” зам заагчийн систем суурьлуулсан. Мөн 14 спикертэй Bang&Olufsen дууны систем нь дууг автоматаар тохируулдаг байна. Энэ сайхан машин 40 мянган доллараас эхэлж худалдаалагдах аж.

10. Cadillac ATS- Cadillac-ын нэр хүнд сүүлийн жилүүдэд бага зэрэг унасан. Гэвч General Motors компани  Cadillac ATS-г энэ алдагдлыг дарна гэдэгт итгэлтэй байгаа аж. Гадна тал нь аэродинамик, дотор засал нь техникийн алмазаар хүрээлэгдсэн гэх мэт тансаг тохижилттой аж. 53 км-т 3.7 литр бензин иддэг энэ сайхан хөлөг 34 мянган доллараар эхэлж худалдаалагдана.

9. Honda Accord- Honda Accord АНУ-д хамгийн сайн борлууллалттай машины нэг. 2013 оны загварын дотор болон гадна талын загвар нь өмнөх машинуудаас эрс өөр, илүү тансаг гэдгээрээ ялгарах аж. 58 км-т 3.7 литр бензин иддэг, ардаа камертай, өргөн тольтой, USB болон iPod-ын интеграцтай, интернэт радиогийн тохиргоотой, цаг агаар хянагчтай, 160 ваттын AM, FM, CD системтэй энэ машин 22 мянган доллараар эхэлж зарагдана.

8. BMW Three Series- 2013 оны BMW Three series гадаад загвар, хүч зэргээрээ гойд ялгарах аж. Мөн олон хүн багтахаар зай нь томоссон, дотор талдаа ачааны хэсэг нэмэгдсэн гэдгээрээ давуу талтай аж. Дэлгэц нь дээр байрласан тул дэлгэц дээрх мэдээлэл болон хөгжим зэргийг толгой бөхийлгөлгүй харах, солих боломжтой аж. BMW Three series 35 мянган доллараас эхэлж борлогдох юм байна.

7. Dodge Dart- 2013 Dodge Dart бол Chrysler болон Италийн Fiat-ыг нэгтгэсэн анхны машин юм. Fiat-ын үндсэн дизайн дээр Chrysler-ын инженерүүд ажилласан энэ хөлөг өндөр хурдтай, цахилгаанаар ажиллах боомжтойгоос гадна жолоо болон суудал зэрэг нь жолоочийн биед маш тохилог аж. Ухаалаг гар утасны Bluetooth болон USB холболттой Dodge Dart 65 км-т 3.7 литр бензин зарцуулах хэмнэллтэй хөлөг аж. Dodge Dart 16 мянган долларын үнэтэй.

6. Lexus LS 460- Toyota Motors компаний урдаа барьдаг хөлөг Lexus-ын шинэ загвар 2013 оны LS 460-ын гадна талын загвар маш аятайхан аж. V8 хүчирхэг хөдөлгүүртэй, дотор засал нь маш тансаг бөгөөд сүүлийн үеийн тоног төхөөрөмжүүдийг олноор суулгаж өгсөн байна. Урьд байгаа осол гаргаж болзошгүй аюулыг илрүүлэх хамгаалалтын систем суулгасан нь шинэ загварын бас нэг давуу тал аж. Lexus LS 460 70 мянган доллараар худалдаалагдах юм.

5. Hyundai Santa Fe- 2013 оны Santa Fe суудлаа хоёр бас гурван эгнээ болгох боломжтой тул гэр бүлийн хэрэглээг сайн хангана хэмээн үзэж байна. Үнэтэй доторлогоотой энэ машин ухаалаг гар утасны тоног төхөөрөмжүүдийг ч мартсангүй. Дөрвөн цилиндртэй хөдөлгүүр нь 250 морины хүчтэй, хурдны зам дээр 43 км-т 3.7 литр бензин зарцуулах аж. Үнэ нь 25 мянган доллар.
4. Mercedes-Benz GL- 2013 оны Mercedes-Benz GL Class загвар том, тэсвэртэй, загвар сайтай гэдгээрээ ялгарна. Өмнөх загвар нь V6 хөдөлгүүртэй байсан бол Германы инженерүүд энэ удаа V8 хөдөлгүүрийг илүүд үзжээ. Хот доторх замд 27 км-т 3.7, хурдны зам дээр 31 км-т 3.7 литр бензин зарцуулдаг байна. Анхаарал суларсан үед автомат арааны тохируулгатай, шөний туслагчтай зэрэг аюулгүй байдлын хамгийн сүүлийн үеийн техонлоги багтаасан энэ хөлөг 62.4 мянган долларын үнэтэй.
3. Subaru BRZ- 2013 оны Subaru BRZ-ыг автомашины үнэтэй өв хэмээн үзэж байна. Гадна талдаа хоёр хаалгатай, дотоод засал нь Subaru болон Toyota-ын шинжийг агуулах энэ хөлөг дөрвөн цилиндртэй хөдөлгүүртэй, 200 морины хүчин чадалтай. 55 км-т 3.7 литр бензин хэрэглэдэг, ачааны нэмэлт зайтай энэ тансаг хөлөг 25495 долларын үнэтэй.

2. Nissan Altima- 2013 онд худалдаанд гарах Nissan Altima хөдөлгүүр, хүч дамжуулах эд анги, амаржин болон жолоо зэрэг нь бүгд шинэчлэгджээ. Зам заах систем суулгасан, дөрвөн цилиндртэй хөдлгүүртэй энэ машин 61 км-т 3.7 литр бензин зарцуулах эдийн засгийн хэмнэлттэй юм. Ардаа камертай, авулгүйн систем өндөр хөгжсөн төхөөрөмжүүдтэй Nissan Altima 21500 долларын үнэтэй.

1. Ford Fusion- Ford Fusion-ы 2013 оны загвар хамгийн хурц дотоод засалтай Ford хөлгөөр тодорчээ. Үзэгдэх орчин хязгаарлагдсан замын хэсгийг илрүүлэх хамгаалалтын системтэй, спорт загвар бага зэрэг шингэсэн Ford Fusion 21700 доллараар худалдаалагдах юм.