Өнөөдөр УИХ-ын чуулган үдээс хойш буюу 15 цагт эхлэхээр товлогдоод байна.  Чуулганаар гурван асуудал хэлэлцэхээр байгаа ч гишүүдийн ирц бүрдэх эсэх нь тодорхойгүй байна. МАН-ын гишүүд Өвөрхангай аймагт нэр дэвшигчдийн асуудлаас болж чуулганд оролцохгүй байгаа бол МАХН-ын гишүүд Засгийн газраас гарах тухайгаа мэдэгдээд байгаа билээ. Тиймээс АН болон ИЗНН, бие даагч гишүүдээс бусад нь чуулганд оролцохгүй байх магадлалтай байна. Ямартаа ч өнөөдрийн чуулганаар дараах асуудлуудыг хэлэлцэхээр зарлажээ. Үүнд:

1. “Авлигын эсрэг олон улсын академийг олон улсын байгууллага болгон үүсгэн байгуулах тухай хэлэлцээр”-т нэгдэн орох тухай хуулийн төсөл:

2. Хүнсний тухай /шинэчилсэн найруулга/ хуулийн төсөл, Хууль хүчингүй болсонд тооцох тухай, Үндэсний аюулгүй байдлын тухай хуульд нэмэлт оруулах тухай, Монгол Улсын засаг захиргаа, нутаг дэвсгэрийн нэгж, түүний удирдлагын тухай хуульд нэмэлт оруулах тухай, Статистикийн тухай хуульд нэмэлт оруулах тухай, Гаалийн тухай хуульд нэмэлт оруулах тухай, Давс йоджуулж йод дутлаас сэргийлэх тухай хуульд өөрчлөлт оруулах тухай хуулийн төслүүд /анхны хэлэлцүүлэг/:

 3. Хүнсний бүтээгдэхүүний аюулгүй байдлыг хангах тухай хуулийн төсөл /анхны хэлэлцүүлэг/: