Төрийн байгуулалтын байнгын хороо хуралдаж байна. Хуралдаанаар Монгол Улсын Ерөнхий сайдад итгэл хүлээлгэх эсэх асуудлыг хэлэлцэж санал дүгнэлтээ боловсруулах юм. Хуралдаанд Ерөнхий сайд Л.Оюун-Эрдэнэ оролцож, үг хэллээ. 

Тэрбээр "Хүүтэйгээ уулзаад, ярилцсан. Уулзаад ярихад хүү маань яалтчгүй нэгэн бүсгүйд хайр сэтгэлтэй болсон нь үнэн байна. Тэгээд бие давхар болоод бөгж бэлэглэсэн юм билээ.

Бөгж нь 17 сая төгрөг, бугуйвч нь 500 мянган төгрөгийн үнэтэй. АТГ-т бүгдийг нь өгсөн байгаа. Машин бэлэглэсэн нь худал мэдээлэл.

Хэнд хайр сэтгэлтэй болох, яаж амьдралаа зохиоход нь би хөндлөнгөөс оролцох нь зохимжгүй. Олон нийтийн өмнө ил гаргахгүй явсан нь нэрмээс болчихов уу гэсэн асуулт өөрөөсөө асуусан. Миний ХОМ нээлттэй байгаа. Миний хүү багаасаа зураг дарах сонирхолтой хүүхэд байсныг та нар бүгдээрээ л мэднэ. Сонирхлынхоо дагуу контент хийгээд явдаг. Цаашид ч бас хийгээд л явах байх" гэв. 

Д.Батчулуун