Хэд хоногийн өмнө Японы мэргэжлийн тулааны урлагийн их мастер, 69 настай Антонио Иноки мэргэжлийн сумогийн 68 дахь их аварга Асашёорюү Д.Дагвадоржийг халз тулаанд дуудсан талаарх мэдээлэл манай хэвлэлүүдээр гарсан билээ. Тэрбээр их аваргыг хоёр дахь удаагаа тулаанд дуудаж байгаа нь энэ юм. Харин энэ талаар Японы болон Монголын иргэд хэрхэн санал бодлоо илэрхийлснийг танилцуулъя.

    Хэд хоногийн өмнө Японы мэргэжлийн тулааны урлагийн их мастер, 69 настай Антонио Иноки мэргэжлийн сумогийн 68 дахь их аварга Асашёорюү Д.Дагвадоржийг халз тулаанд дуудсан талаарх мэдээлэл манай хэвлэлүүдээр гарсан билээ. Тэрбээр их аваргыг хоёр дахь удаагаа тулаанд дуудаж байгаа нь энэ юм. Харин энэ талаар Японы болон Монголын иргэд хэрхэн санал бодлоо илэрхийлснийг танилцуулъя. Халз тулааны талаарх мэдээлэл дор хамгийн олон удаа давтагдсан сэтгэгдлүүдийг оруулсан болно.

Япончууд: 


• Миний бодлоор Асашёорюү эсвэл хэн нэгэн сумо хүн мэргэжлийн тулаанд оролцох нь Майкл Жордан сагс тоглох гэж буйтай адилхан хэрэг юм. Хэрвээ та өөрийнхөө сонгосон спортод алдар амжилтыг олсон бол өөр нэгэн спортын тааруухан тамирчин болоод хэрэггүй.

• Энэ бол тодорхой хэрэг юм. Асашёорюү энэхүү халз тулаанаас маш их хэмжээний мөнгө олох боломжтой. Би түүнийг дэлхийн мэргэжлийн тулааны хамгийн том одыг ялж чадна гэдэгт итгэлтэй байна.

•  Би Асашёорюүг халз тулаанд ороод их мөнгө авахыг харахдаа баяртай байх болно. Түүнийг мэргэжлийн тулааны урлагт байр сууриа олж чадах хүний нэг гэж боддог. Учир нь тэр хэт их жинтэй биш, мөн хөлөндөө их хүчтэй бас хурдан хөдөлгөдөг.

•  Мэдээж тэд тулалдах хэрэгтэй. Учир нь тэдний мэргэжлийн тодотголтой амжилт ялалт, ялагдлаар л шүүгдэх болно.


Монголчууд:



    Антонио Иноки өмнө нь их аваргыг тулаанд дуудахдаа гурван сая ам.доллар амлаж байсан аж. Харин энэ удаад “Их хэмжээний мөнгө амлахгүй ээ. Хэрэв миний урилгыг хүлээж авч тулаанд оролцвол мэдээж хэрэг үзэгчдийн тоо нэмэгдэх нь гарцаагүй” хэмээн ярьсан байна.

Японы мэргэжлийн тулааны урлагийн загалмайлсан эцэг Антонио Иноки өнгөрсөн онд “Никкан спорт” сонинд өгсөн ярилцлагадаа “Сүүлийн жилүүдэд мэргэжлийн тулааны урлаг уналтад ороод байгаа. Тиймээс бид Японы мэргэжлийн тулааны нэр хүндийг дэлхийд ахиулахыг чармайж байна. Ингэхийн тулд Азийн найдвар төрүүлэхүйц спортоос, ялангуяа Монголын үндэсний бөх, Хятадын зодооны урлаг болон кунфу, Хойд Солонгосын таеквондо зэргийг ихэд судалж ур чадварыг нь нээн гаргахыг хичээнэ” хэмээн ярьж байжээ.