МАХН-ын дарга Н.Энхбаярын хурал Улсын дээд шүүхэд болж байна. Хурал эхлэснээр Н.Энхбаярын өмгөөлөгчид хурлыг хойшлуулахаар гурван удаа хүсэлт тавьсан ч шүүх бүрэлдэхүүн хүсэлтийг хүлээн аваагүй.
    МАХН-ын дарга Н.Энхбаярын хурал Улсын дээд шүүхэд болж байна. Хурал эхлэснээр Н.Энхбаярын өмгөөлөгчид хурлыг хойшлуулахаар гурван удаа хүсэлт тавьсан ч шүүх бүрэлдэхүүн хүсэлтийг хүлээн аваагүй. Тиймээс өмгөөлөгч нар “Удаа дараагийн хүсэлтийг хүлээн авахгүй байгаагаас харахад шүүх асуудлыг шударгаар шийдэхгүй гэдэг нь ойлгомжтой учраас шүүгдэгч Н.Энхбаяртай уулзаж, ярилцах шаардлагатай байна” гэж хэмээн шүүх хуралдааныг танхимыг орхин гарсан юм.
    Энэ үеэр УИХ-ын гишүүн З.Баянсэлэнгэ “Хурлыг хүчээр явуулах гэж байна. Энэ цэвэр хэлмэгдэлт явагдаж байна. Өмгөөлөгчдийн гаргасан хүсэлтийг ч хүлээн авахгүй өөрсдийнхөөрөө шийдэхээр улайрч байна. Угаасаа дээд шүүхийн шийдвэр ойлгомжтой байна” гэв.
Шүүх хуралдааныг өмгөөлөгчгүйгээр үргэлжлүүлэх эсэх нь тодорхойгүй байна. Дээд шүүхэд хэргийг хянан хэлэлцэж байгаа учраас өмгөөлөгчгүйгээр шүүх хуралдааныг үргэлжлүүлэх боломжтой байдаг аж.