Шударга өрсөлдөөн, хэрэглэгчийн төлөө газрын дарга О.Магнай Төрийн банкны удирдлагуудад задгай, бүхэл вальютыг ижил ханшаар худалдан авдаг болох шаардлагыг тавьжээ. Харин Төрийн банкнаас энэ хүсэлтийг хүлээж авч өнөөдрөөс задгай вальютыг худалдан авахдаа ижил ханш мөрдүүдэх шийдвэр гаргажээ.

   Төрийн банк нь задгай вальютыг өөр ханшаар худалдан авдаг байсан Төв банк задгай вальютыг бэлэн бусжуулахдаа харьцангуй өндөр шимтгэл авдагтай шууд холбоотой аж. Тиймээс цаашид Төв банк задгай вальютыг ижил ханшаар бэлэн бусжуулдаг болвол алдагдал хүлээхгүйгээр хуулийг хэрэгжүүлэх боломжтой тул  Монголбанктай тохиролцон асуудлыг системийн хэмжээнд шийдвэрлэж өгөхийг ШӨХТГ-аас хүссэн байна.