Амралтын өдрөөр цагдаагийн байгууллагад өөрийгөө хутгалж гэмтээсэн хоёр хэрэг бүртгэгдсэн байна. Тодруулбал, Баянзүрх дүүргийн 15 дугаар хороонд оршин суух 23 настай эрэгтэй Г найз охинтойгоо муудалцсаны улмаас өөрийнхөө хэвлийн тус газар хутгалж гэмтээжээ. Мөн Баянгол дүүргийн 15 дугаар хороонд 37 настай эмэгтэй Б нөхөртэйгээ маргалдсаны улмаас өөрийнхөө хэвлийн тус газар хутгалж гэмтээсэн байна. Тэрээр хэрэг үйлдэхдээ согтууруулах ундаа хэрэглэсэн байжээ. Хэргийг дүүргийн цагдаагийн хэлтэст шалгаж байна. Б.Чимэг
