МАХН-ын дарга Н.Энхбаярын гэм буруутайг гурван шатны шүүхээс тогтоогоод байгаа. Тодруулбал, анхан болон давж заалдах шатны шүүхээс түүнийг гэм буруутайд тооцож, дөрвөн жилийн хорих ял оноосон. Харин Улсын дээд шүүхийн хуралдаанаар түүний “ТВ-9 телевиз”, “Эрдэнэт үйлдвэр”-т холбогдох хэргийг хэрэгсэхгүй болгосноор түүний ялыг 2.6 болгон өөрчилсөн юм. Нэгэнт гурван шатны шүүхээр гэм буруутайг нь нотолсон учир түүнийг хорих ангид хуваарилах ёстой. Гэвч тэрээр өнөөдрийг хүртэл Сайд нарын гэгдэх хоёрдугаар эмнэлэгт хэвтэн эмчлүүлсээр байгаа юм. Харин хорих ангид хэзээ хуваарилах талаар ШШГЕГ-ын албаны эх сурвалжаас тодруулахад “Улсын дээд шүүхээс Н.Энхбаярт ялын тогтоолыг гардуулаагүй байна. Мөн манайд Улсын дээд шүүхээс ял оноосон тухай албан бичиг одоогоор ирүүлээгүй байгаа. Албан бичиг ирүүлж, Н.Энхбаярт ялын тогтоол гардуулсны дараа түүнийг хорих ангид хуваарилана” гэлээ.
Б.Чимэг
Сэтгэгдэл (38)