Египетийн ерөнхийлөгч Мухаммед Морси цэргийн салбарын эрх баригчдад үүрэг өгсөн талаар “Ройтерс” агентлаг мэдээллээ.

    Египетийн ерөнхийлөгч Мухаммед Морси цэргийн салбарын эрх баригчдад үүрэг өгсөн талаар “Ройтерс” агентлаг мэдээллээ.

Тэрбээр цэргийн албадуудад хамгаалалтыг сайжруулж, төрийн өмчийн байгууллагуудыг хамгаалах ёстойг хатуу анхааруулж, босогчид буюу үймээн үүсгэсэн иргэнийг баривчилж болно гэсэн зөвшөөрөл өгсөн байна.

Мухаммед Морси энэ сарын 15-нд буюу ирэх бямба гарагт болох бүх нийтийн санал асуулгаас урьдаж энэхүү зарлигийг гаргасан байна.

Ноён Морси өөртөө хэмжээлшгүй эрх өгснийг эсэргүүцсэн ард иргэдийг тайвшруулахаар ард түмнийг хэлэлцээ хийхийг хүссэн ч тэд татгалзсан юм. Харин Морси ч бас 12 сарын 15-ны өдөр үндсэн хуулийн санал хураалт авахгүй байх саналыг нь хүлээж аваагүй юм.

Сөрөг хүчний удирдагчид бүх нийтийн санал асуулгыг эрт авахыг буруутгасныг хүлээн зөвшөөрөөгүй энэхүү явдлыг эсэргүүцэж, өнөөдөр жагсана хэмээн мэдээлжээ.

Хэдийгээр ерөнхийлөгч Морси үндсэн хууль батлагдвал өөртөө өгсөн хэмжээлшгүй эрхээ цуцлана гэдгээ мэдэгдсэн ч сөрөг хүчин болоод босогчид Үндсэн хуулийг хүлээн зөвшөөрөх олон нийтийн санал асуулгыг эрт явуулахыг эсэргүүцэж байгаа юм. Учир нь Египетийн зүүний буюу Либерал хүчнийхэн шинэ үндсэн хуулийн төслийг боловсруулсан Ассемблейг ихэнх гишүүдийнхээ буюу исламын шашинтнуудын илүү эрх ашгийг хуульд тусгасан хэмээн эсэргүүцэх хандлага байгаа юм.

Үндсэн хуулийг Ассемблей боловсруулж баталсны дараа ерөнхийлөгч гарын үсэг зурж баталгаажуулах бөгөөд олон нийтийн санал асуулгад оролцуулж бүрэн төгөлдөр хэрэгжих орчинг үүсгэх юм.