Өмнөд Солонгосын дуучин PSY-ийн хамгийн алдартай дуу болох “Ганнам стайл” дуунаас олсон цэвэр ашгийг тооцоолжээ. АНУ-д “iTunes” сайтаас дээрх дууг 2.9 сая удаа татаж авсан байна. Энэ нь 2.6 сая ам.долларын үнэтэй болсон бөгөөд татвар хассан дүн юм. Мөн дижитал видео хэлбэрээр эх орондоо зарагдсан орлого нь 60 мянган ам.доллар. “Youtube” сайт дээрх бичлэгний сурталчилгаанаас 87 мянган долларыг PSY-д ашиг болгон өгчээ.

    Мөн “Ганнам стайл” дууг багтаасан зургаа дахь цомгийн борлуулалтаас 50 мянган ам.долларын цэвэр ашиг аваад байна. Алдартай болсноосоо хойш тэрбээр “Самсунг”, “LG” зэрэг олон компаний сурталцилгаанд тоглоод 4.6 сая доллар авчээ.

     Дээрх бүх ашгийг нийтэд нь тооцвол найман сая доллар болж байгаа юм. Дуучин залуу энэ орлогынхоо 30 хувийг “YG” энтертайнментад өгсөн байна.