Засгийн газар Монгол Улсын 2026 оны төсвийн төсөл болон холбогдох хуулийн төслүүдийг есдүгээр сарын 1-нд өргөн мэдүүлж, намрын чуулганаар хэлэлцэж буй. Иймд 2026 оны төсвийн жилд  "Шинэ хоршоо-чинээлэг малчин хөдөлгөөнтэй холбоотой хэдэн төгрөгийг төсөвлөсөн талаарх мэдээллийг хүргэе. 

Монгол Улсын 2026 оны нэгдсэн төсвийн:

• Тэнцвэржүүлсэн орлогыг 31.6 их наяд төгрөг,
• Нэгдсэн төсвийн нийт зарлага 32 их наяд 980 тэрбум төгрөг,
• Төсвийн тэнцэл ДНБ-ий 1.3 хувийн алдагдалтай байхаар төлөвлөжээ.

2026 онд шинээр 500 тэрбум төгрөгийн хөнгөлөлттэй зээлийг олгохоор төлөвлөж, зээлийн хүүгийн дэмжлэгт 108.9 тэрбум төгрөгийг төрөөс хариуцан төлөхөөр төсвийн төсөлд тусгасан байна. “Шинэ хоршоо-Чинээлэг малчин” үндэсний хөдөлгөөний хүрээнд хоршооны гишүүн малчдад зориулж 50.0 сая хүртэл төгрөгийн зээлийг олгож, нийт зээлийн хүүгийн 12 нэгж хувийг төрөөс хариуцан төлж байна. Тус хөдөлгөөний хүрээнд 2024-2025 онд нийт 26,759 хоршооны гишүүн малчинд 841.9 тэрбум төгрөгийн зээлийг олгоод байгаа юм.