Дэлхийн алдарт K‑pop BTS хамтлаг энэ жил шинэ бүрэн хэмжээний “ARIRANG” цомгоо гаргахаа албан ёсоор зарлажээ. Энэ нь тэдний 3 гурван жилийн дараах анхны студийн цомог бөгөөд дэлхий даяар фенүүд догдлон хүлээж байна. Цомог нь 2026 оны тавдугаар сарын 20‑нд худалдаанд гарахаар төлөвлөгдсөн байна.
BTS‑ийн агентлаг BigHit Music мэдээлснээр цомог гарсны дараа гурван том үйл ажиллагаа товлогджээ. Үүнд
-
“ARIRANG” цомог тавдугаар сарын 20‑нд худалдаанд гарах бөгөөд гурван жилийн дараах тус хамтлагийн эргэн ирэлтийн гол бүтээл гэдгээрээ онцлогтой.
-
“BTS THE COMEBACK LIVE | ARIRANG” гуравдугаар сарын 21‑нд Сөүлийн Gwanghwamun талбайд шууд концерт зохион байгуулагдах бөгөөд Netflix‑ээр дэлхийн 190 гаруй оронд шууд дамжуулах юм.
-
Баримтат кино “BTS: The Return” гуравдугаар сарын 27‑нд Netflix‑ээр гарч, эргэн ирэлтийн бэлтгэл, шинэ цомгийн уран бүтээлүүд зэрэг багтжээ.
Цомог гарсны дараа BTS хамтлаг дэлхий даяар ARIRANG World Tour гэгдсэн аялалаа хийхээр төлөвлөсөн бөгөөд хэд хэдэн хотод тоглолтууд кино театраар шууд дамжуулагдах юм.
Цомог танилцуулах мэдээг сонсоод фенүүд Сөүлийн кофе шопуудад тэмдэглэлт арга хэмжээ зохион байгуулж эхэлжээ. Энэ нь BTS хамтлагийн эргэн ирэлтийг дэлхий даяар илүү өргөн хүрээнд тэмдэглэх, фенүүдийн дэмжлэгийг харуулах зорилготой ажээ.
Т.Зузу
