“Milan Fashion Week” нь Италийн Милан хотод жил бүр зохиогддог дэлхийн нэртэй загварын долоо хоног юм. Энэ жил 2026 оны намар, өвлийн эмэгтэй загварын үзүүлбэрүүд албан ёсоор 2026 оны хоёрдугаар сарын 24‑нд эхэлсэн.

Энэ хугацаанд 54 runway шоу, 8 дижитал шоу, 73 танилцуулга болон 27 бусад арга хэмжээ зэрэг олон төрлийн загварын үйл явдал болно гэж Camera Nazionale della Moda Italiana‑ийн албан мэдээлэлд дурджээ.

Загварын долоо хоногийн үеэр Maria Grazia Chiuri (Fendi), Demna‑гийн Gucci‑д зориулсан том шоу, Meryll Rogge (Marni) зэрэг дизайнерууд анхны цуглуулгаасаа танилцуулалт хийхээр төлөвлөсөн бөгөөд энэ нь энэ жилийн Milan Fashion Week‑ийн хамгийн их анхаарал татсан хэсгүүдийн нэг болоод байна.

Мөн шоуны үеэр Uma Thurman, Dakota Fanning, Jessica Alba зэрэг дэлхийн алдарт жүжигчид болон загварын салбарын мэргэжлийн хүмүүс front‑row‑д сууж, Milan Fashion Week‑ийг дэмжиж оролцож байна. Энэ нь зөвхөн шоуны нэр хүндийг өсгөдөг төдийгүй, олон нийт, хэвлэл мэдээллийн анхаарлыг татах чухал хүчин зүйл болдог.

Урд эгнээнд сууж буй алдартнууд нь ихэвчлэн тусгай урилгаар, дизайнеруудын ур чадвар, шинэ цуглуулгыг шууд харж, дүгнэх зорилгоор ирдэг. Энэ жил Uma Thurman нь Fendi болон Prada‑гийн шинэ цуглуулгыг анхааралтай үзсэн бол Dakota Fanning нь Gucci‑гийн шинэ runway‑д сэтгэл хангалуун байгаагаа илэрхийлжээ. Jessica Alba нь Armani‑гийн танилцуулгад оролцож, шоуны гэрэл зураг, сошиал сүлжээгээр дэлхий даяар олон үзэгчдэд хүрэхэд дэмжлэг үзүүлсэн байна.

Эдгээр алдартнуудын оролцоо нь Milan Fashion Week‑ийн олон улсын нэр хүндийг бататгаж, дизайнеруудын бүтээл, шинэ загваруудыг дэлхий даяар сурталчлах боломжийг нэмэгдүүлдэг гол хүчин зүйл болдог.

Т.Зузу