Монгол цэргийн өдөр- зэвсэгт хүчин үүсгэн байгуулагдсаны 105 жилийн ойг угтан зохион байгуулах “эх орны цэрэг” яруу найргийн наадмын удирдамжийг танилцуулж байна. 

Нэг. Зорилго

Монгол цэргийн өдөр - Зэвсэгт хүчний 105 ойг тэмдэглэн өнгөрүүлэх арга хэмжээний хүрээнд цэрэг эх орны сэдэвт  яруу найргийн өв санг баяжуулах, цэргийн алба хаагчид, ард иргэд, хүүхэд залуучуудад төрөлх нутаг, тусгаар тогтнол, түүх соёлоороо бахархах сэтгэлийг төрүүлэх, цэрэг-эх оронч үзлийг төлөвшүүлэх, иргэн-цэргийн харилцааг бэхжүүлэх, яруу найргийн шилдэг бүтээлүүдийг сурталчлан нийтийн хүртээл болгоход оршино.

Хоёр. Хугацаа

1. I шатны шалгаруулалтыг  2026 оны 03 дугаар сарын 12-ны өдөр,
2. II шатны шалгаруулалтыг 03 дугаар сарын 13-ны өдрүүдэд тус тус зохион байгуулна. 

Гурав.Тавигдах шаардлага

Наадамд ирүүлэх шүлгүүд нь цэргийн сэдэвтэй, яруу найргийн наадамд уншигдаж байгаагүй шинэ бүтээлүүд байна. Уралдаанд оролцох яруу найрагчид цэргийн сэдэвт 2 шинэ бүтээлээ 2026 оны 03 дугаар сарын 11-ний өдрийн 16.00 цаг хүртэл ЦДБЭЧ-ын 205 тоотод бүртгүүлж, оролцох эрхийн мандат авна.

Мандатын үнэ : 20,000 (хорин мянган төгрөг)

Дэлгэрэнгүй мэдээлэл авах: 8907-4727, 9971-1435

Дөрөв. Наадмын зохион байгуулалт

Наадмын I шатанд ирүүлсэн бүтээлүүдийг шүүгчдийн бүрэлдэхүүн хэлэлцэж, II шатанд шилдэг 25 яруу найрагчийг шалгаруулна.

II шатанд шалгарсан яруу найрагчид 2026 оны 03 дугаар сарын 13-ны өдөр 3 үе шаттайгаар шүлгээ уншиж, шилдэг найрагчдыг тодруулна.

Яруу найрагчдыг үе бүрт онооны дарааллаар хасагдах байдлаар шалгаруулна.

Тав. Шагнал

Амжилттай оролцсон бүтээлийг дараах байдлаар байр эзлүүлэн урамшуулна.

• Тэргүүн байр – 1  /Өргөмжлөл, 3,000,000 төгрөг, Жанжны сэлэм/
• Дэд байр – 1 /Өргөмжлөл, 1,500,000 төгрөг/
• Гуравдугаар байр - 1  / Өргөмжлөл, 1,000,000 төгрөг/
• Тусгай байр - 2  / Тус бүр Өргөмжлөл, 500,000 төгрөг/