Монгол Улсын иргэн Ш.Алтантуяа 2006 онд Малайз улсад ажиллаж амьдарч байхдаа бусдын гарт амиа алдсан билээ. Ш.Алтантуяа агсны аав С.Шаарийбуу өнөөдөр Ерөнхий сайд Г.Занданшатартай уулзлаа.
Тэрээр "Нөхцөл байдал ойлгомжгүй байдалтай 20 жил үргэлжиллээ. Олон жил захидал бичихэд нэг ч хариу өгч байгаагүй. "Уучлаарай" гэдэг үгийг хэлүүлэхийг хүссэн. Гэвч хэрэг хийсэн хүмүүс нь зарим нь Австралид, зарим нь нутагтаа байдаг маш сонирхолтой нөхцөл байдал хэрэг 20 жил үргэлжилж байна. 2022 онд иргэний нэхэмжлэлийн шүүх хурал хийхэд Абдул Разак Багинда захиалагч мөн, Ерөнхий сайд асан Нажиб Разак буруутай гэдгийг тогтоосон. Нажиб шоронд байгаа ч Багинда надтай заргалдсаар л байна” гэв.
