ЭМШИУС-ийн салбар сургууль Эрүүл мэндийн технологийн сургууль буюу хуучнаар Сувилахуйн сургууль нь оюутны 70 мянган төгрөгөө есдүгээр сараар хойш өгөөгүй байгаа юм байна. Энэ талаар оюутнуудын санал гомдол манай сайтад ирээд байгаа юм.
Оюутнуудын хэлж байгаагаар,  тус сургуулийн мөнгөгүй оюутнууд энэ сарын 15-нд болох сургуулийнхаа шинэ жилд оролцохгүй гэж удирдлагууддаа мэдэгджээ. Гэтэл  захирал болоод багш нар нь хоёр хоногийн дараа 70 мянгыг чинь  өгөх тул шинэ жилдээ оролц хэмээн мөнгийг нь хураан авсан байна.  Тэгвэл өнөөдрийг хүртэл өнөөх хоёр хоногийн дараа гэсэн мөнгө нь сураг чимээгүй байгаа аж.  Оюутнууд нь мөнгө яагаад өгөхгүй байгааг асуухад санхүүжилт ороогүй гэсэн хариуг л  өгдөг юм байна.  Түүнчлэн зарим нэг сургууль л ингэж оюутнууддаа унжиж байдгаас бусад сургуулиуд нь оюутны 70 мянган төгрөгийг  цаг тухайд нь өгөөд байдаг хэмээн оюутнууд ярьж байгаа юм. Ямартай ч энэ мэтээрээ оюутнуудын 70 мянган төгрөгийг өгөхгүй бол дараа долоо хоногт буух байх гэсэн өдөр хоногийг аргацаасан бодлоороо оюутнууд маань өрөн баригдах нь байна шүү. Энэ талаарх мэдээллийг илүү дэлгэрэнгүйгээр хүргэх болно.