Өмнөговь аймгийн Оюутолгойн ордын баяжуулах үйлдвэрийн нээлт өнөөдөр болж байна. Нээлтийн ёслол уурхайн талбайд эхэлж байгаа бөгөөд Ерөнхий сайд Н.Алтанхуяг,  төслийн хөрөнгө оруулагчдын төлөөлөл, компанийн ТУЗ, Засгийн газар болон УИХ-ын зарим гишүүд оролцох аж. Нээлтийн арга хэмжээний зочдыг ОТ төслийн Дэд Ер-гч Санждорж, Бизнесийн хэлтсийн Дэд Ер-гч Айван Велла нар төслийн талбайд угтан авч байна.
   Баяжуулах үйлдвэрт  ажиллах 800 хүн ажлын байрандаа хагас жилийн өмнөөс ажиллаж эхэл­жээ. Үйлдвэр хоногт 100 мянган тн, жилд 35 сая тн  хүдэр боловсруулах хү­чин чадалтай юм байна. Гэхдээ үйлдвэрлэл эхлэнгүүт экспортод гар­гах­гүй, тасралтгүйгээр нийлүүлэх боломжтой болох үедээ л урд хөрш рүү зөөж эхлэх аж. Энэ хугацаа 3-6 сар байх бо­лол­той. Ямар ч байсан ирэх жилийн эхний хагаст экспортоо эхлүүлнэ гэсэн тооцоог төслийнхөн гар­гажээ.