Гэрлэх ёслолын ордны дарга Х.Оюунчимэг өчигдөр үүрэгт ажлаа хүлээлгэн өглөө. Түүнд ажлаа өгөх тухайн нь өчигдөр 15.30 цагийн үед мэдэгдэж, 19.30 цагт тамга тэмдэгийг нь хүлээн авсан байна. Энэ талаар тэрээр "Намайг тэтгэврийн насанд гарах болсон гэж хэлсэн. Тэгээд өчигдөр 15.30 цагийн үед ажлаа өг гэж мэдэгдэж, өргөдөл өг гэсэн. Тиймээс би өргөдлөө өгч, 19.30 цагт тамга тэмдэгээ хүлээлгэн өгч байна. Шинэ ирж байгаа даргын талаар ямар ч мэдээлэл алга. Мөн иргэд АТГ-ын шалгагдаж байсан асуудлаас болсон гэж харж байна. АТГ-аас намайг шалгаж байсан хэргээ хэрэгсэхгүй болгосон. Гүтгэлэг байсан шүү дээ. Түүнтэй ямар ч холбоогүй." гэсэн юм. Түүний ярианаас харахад тэрээр албан шахалтаар ажлаа өгч байгаа бололтой. Харин Х.Оюунчимэгийн оронд "Халуун сэтгэл" байгууллагын зохицуулагч С.Үүрийнтуяа гэх эмэгтэй томилогдож байгаа юм байна. Түүнээс цөөн зүйлийг тодруулав.
-Цаашдаа юу хийе гэж бодож байна. Өмнө нь бас "Халуун сэтгэл" байгууллагад зохицуулагч хийдэг байсан гэсэн?
- Ажлынхаа үр дүнг харж байж энэ талаар хэлье.
-Энэ шийдвэрийг та хэзээ сонссон. Өөрөө дарга болъё гэдэг юм уу. Цаанаас нь шууд хүлээлгээд өгчихдөг юм уу?
-Энэ талаар мэдээллийг дараа өгье.
-Гэрлэх ёслолын ордон бол маш гэгээлэг газар. Энэ сайхан газрын удирдлагаар ирж байгаа та яагаад өглөө нар мандаж байхад биш, харанхуй шөнөөр гэнэт ирж байгаа юм бэ?. Монгол хүмүүс уг нь бэлгэдлээ их боддог?
- Үүнийг ажлын хэсэг комисс л мэдэж байгаа. Дуудаад л ажлаа хүлээж ав гэсэн. Тэрнийх нь дагуу л ажлаа хүлээж авч байна.
Д.Ундрах
Сэтгэгдэл (27)