Цаг агаар эрс хүйтэрч буй учир Ерөнхий боловсролын сургуулийн бага ангийн сурагчдыг сургуульд нь явуулахгүй байхаар зохицуулж өвлийн амралтыг нь сунгасан. Удаан хугацаагаар амрахаар бага ангийн сурагчид сурсан мэдсэн зүйлээ мартах хандлагатай байдаг. Тиймээс нийслэлийн зарим сургуулийн бага ангийн багш нар сурагчдын гэрээр явж даалгаварыг нь шалган, давтлага өгөхөөр болж хувиар гаргасан байна. Мөн багш нарыг даалгавар өгчихөөд сургууль руу нь хүүхдүүдийг дуудахгүй байхыг БШУЯ-аас анхааруулжээ.