АНУ-ын ясны худалдаачин Монголоос 70 сая жилийн настай Тиранозаурусын ясыг хууль бусаар оруулж ирсэн гэдгээ хүлээн зөвшөөрсөн талаар “BBC” мэдээллээ.

    АНУ-ын ясны худалдаачин Монголоос 70 сая жилийн настай Тиранозаурусын ясыг хууль бусаар оруулж ирсэн гэдгээ хүлээн зөвшөөрсөн талаар “BBC” мэдээллээ.

    Нью-Ыорк хотын шүүх худалдаачин Эрик Прокопиг өнгөрсөн тавдугаар сард хууль бусаар динозаврын араг ясыг хил давуулж, дуудлага худалдаанд сая гаруй доллараар зарсан хэмээн шалгаж эхэлсэн юм. Харин зургаадугаар сард Монголын талаас ерөнхийлөгч Ц.Элбэгдорж үнэт олдвороо хулгайд алдсан хэмээн мэдэгдэл хийснээр Тиранозаурусын ясыг хурааж авсан билээ.

    Эрик Прокопид хэрэг үүсгэн шалгах явцад тэрбээр Монгол, Хятадаас Тиранозаурусын яснаас гадна өөр ховор амьтдын араг ясыг хууль бусаар оруулж ирсэн болох нь тогтоогдсон байна. Түүнийг өнгөрсөн 10 дугаар сард шүүхээс баривчилсан юм.

    “Хэрэг дээр ажилласан итгэмжлэгдсэн өмгөөлөгч Прийт Бхарара үнэт олдворыг эх орон луу нь буцаах үйл ажиллагааг эхлүүлнэ хэмээн мэдээлсэн” гэж сайт бичжээ. “Чулуужсан ясны үлдэц, эртний амьтдын яснууд нь улсын байгалийн болон соёлын өв байдаг билээ. Энэхүү түүхийн нэг хэсэг болсон үнэт олдворуудыг Эрик Прокопи шиг хар захын худалдаачид хууль бусаар хил гаргаж, зарахыг оролддог” хэмээн шүүгч хэлсэн байна.

    Эрик Прокопи Хятад, Монголоос хууль бусаар яс оруулж ирснээ хүлээн зөвшөөрсөн байна. Өмгөөлөгчийн мэдээлж буйгаар хэрэгтний Флорида дахь гэрээс дахин нэг Тиранозаурусын бүтэн шахуу араг яс олдсон байна.
38 настай Эрик Прокопид 17 жилийн ял оноожээ.