Нийтийн тээврийн газарт бүтцийн шинэчлэлт хийгдэж эхэлж байгаа юм байна.  Тус газрын даргаар дөрвөн жил ажилласан Ц.Наранцэцэг эрүүл мэндийн шалтгаанаар ажлаа өгч байгаа аж. Гэвч эх сурвалжуудын мэдээлснээр Ц.Наранцэцэг энэ албыг хашсанаас хойш дорвитой ажил огт хийгээгүй гэх иргэдийн гомдол тасраагүйгээс ажлаа өгч байгаа гэнэ. Харин шинэ даргаар Авто тээврийн газарт ажиллаж байсан Ч.Энхбатыг томилжээ. Түүнийг нийслэлийн Засаг дарга Э.Бат-Үүл захирамж гарган баталсан байна.