Энэ сарын 17-нд Дархан-Уул аймагт найман настай хүүг барьцаалж, 100 сая төгрөг нэхсэн хэрэг гарсан. Гэмт этгээд хүүгийн эцэг, эх рүү дугаараа нууцалсан 99-тэй дугаараас залгасан билээ.
    Энэ сарын 17-нд Дархан-Уул аймагт найман настай хүүг барьцаалж, 100 сая төгрөг нэхсэн хэрэг гарсан. Гэмт этгээд хүүгийн эцэг, эх рүү дугаараа нууцалсан 99-тэй дугаараас залгасан билээ. Тиймээс цагдаагийн байгууллагаас гэмт этгээдийг илрүүлэхийн тулд залгасан дугаарыг нь шалгуулах гэсэн боловс “Мобиком”-ынхан хувь хүний нууц хэмээн туслаагүй юм. Энэ нь хүүг олох ажлыг хэд хоногоор хойшлуулсан хэмээн хуулийн байгууллага үзэж, тус корпорацийн удирдлагуудыг шалгаж байгаа билээ.
    Мөн УМБГ, ЭЦГ, прокурорын байгууллагаас “Мобиком”-ын удирдлагад хандан хуулиар хүлээсэн үүргээ биелүүлэхийг шаардсан албан мэдэгдэл хүргүүлжээ.
    Тодруулбал, “Мобиком” корпораци Монгол Улсын Засгийн газартай хууль тогтоомжийн хүрээнд үйл ажиллагаа явуулах, гэмт хэрэг, зөрчлөөс урьдчилан сэргийлэх, таслан зогсоох гэрээ байгуулсан байна. Өмнө нь гар утасны хулгайгаас урьдчилан сэргийлэх зорилгоор үйл ажиллагаа явуулах албан мэдэгдлийг цагдаа, прокурорын байгууллагаас удаа дараа хүргүүлж байсан ч нэг ч удаа нааштай хариу өгч байгаагүй аж. Тиймээс хуулийн байгууллагуудаас дээрх албан мэдэгдлийг хүргүүлжээ.