Монголын улс төр, эдийн засаг, бизнесийн салбарын “Оны залуу” тодруулах “Next Stop”ёслолын арга хэмжээ 20 дахь жилийн ойгоо “Сүү өргөж амьдаръя” уриан дор өчигдөр ёслол төгөлдөр тэмдэглэн өнгөрүүллээ.
    Монголын улс төр, эдийн засаг, бизнесийн салбарын “Оны залуу” тодруулах “Next Stop”ёслолын арга хэмжээ 20 дахь жилийн ойгоо “Сүү өргөж амьдаръя” уриан дор өчигдөр ёслол төгөлдөр тэмдэглэн өнгөрүүллээ. Монголын Залуучуудын Холбоо, “Залуу удирдагч сан” хамтран тухайн жилдээ улс төр, эдийн засгийн салбарт амжилттай яваа нийгэмдээ хүлээн зөвшөөрөгдсөн залуу удирдагчдыг тодруулдаг бөгөөд энэ жилийн хувьд улс төрийн салбарын “Оны залуу”-аар Хууль зүйн сайд Х. Тэмүүжин шалгарсан юм.

Х. Тэмүүжин нь Монгол Улсын эрх зүйн шинэчлэлийн хүрээнд эрүүгийн эрх зүйн, шүүх хуулийн байгууллагын дэд бүтэц, үйлчилгээг сайжруулах, хууль тогтоох ажиллагааг боловсронгуй болгох, нийтийн албанд сонирхлын зөрчлөөс сэргийлэх, авлигатай тэмцэх, шүүх хуулийн байгууллагыг шинэтгэх, хуульчийн мэргэжлийн үйл ажиллагааг чанаржуулах, хүний эрхийн баталгааг сайжруулах чиглэлээр хуулийн төслүүдийн судалгааны боловсруулалтыг гардан эрхэлж, санаачлан батлуулах, хэрэгжүүлэх чиглэлээр идэвхийлэн ажилладаг тул тус улс төрийн салбарын залуу удирдагчдаас шалгарсан байна.

    Харин бизнес, эдийн засгийн салбарын “Оны залуу”-аар Ньюком группийн гүйцэтгэх захирал Б. Бямбасайхан шалгарсан. Тэрээр Монгол Улсын Ерөнхийлөгчийн эрчим хүчний асуудлаарх орон тооны бус зөвлөх мөн 2010 оноос Ньюком Группт эрчим хүчний  болон дэд бүтцийн хөрөнгө оруулалтын асуудал эрхэлсэн захирлаар ажиллаж байгаад 2012 оноос  Ньюком Группийн гүйцэтгэх захирлаар ажиллаж буй чадварлаг, туршлагатай, ирээдүйтэй залуу эдийн засагч, бизнесмэн юм.