УИХ-д “МАХН-МҮАН”-ын “Шударга ёс эвсэл”-ийн нэг суудал дутуу байсан. Уг нь Ц.Оюунбаатар тангаргаа аль хэдийн өргөх байсан ч түүнийг намынхан нь дэмжээгүй. Харин МАХН-ын дарга Н.Энхбаярын хүү Э.Батшугарыг өргүүлэхээр улайрч байсан юм. Гэвч СЕХ-оос хуулийн дагуу түүнийг тангараг өргүүлэх саналыг УИХ-д ирүүлээд байсан билээ. Тиймээс өнөөдөр Ц.Оюунбаатар тангаргаа өргөхөөр болсон ч тодорхойгүй хугацаагаар хойшлоод байсан. Тэгвэл дөнгөж сая МАХН-МҮАН-ын “Шударга ёс” эвслийн нэрээр УИХ-ын сонгуульд нэр дэвшсэн Ц.Оюунбаатар УИХ-ын гишүүний тангарагаа өргөлөө. Тэрбээр хуульч мэргэжилтэй, МҮАН-ын Удирдах зөвлөлийн гишүүн билээ.