Уншигч авхай та бүхэндээ 2013 оны турш өөрийн амьдралдаа дараах гурван зүйлийг мөрдлөгө болгон хэрэгжүүлэхийг уриалж байна.

    1. Хайраа илэрхийл. Ойр дотны хүмүүстээ чин сэтгэлийн угаас “Хайртай” гэдэг энгийн боловч алтан үгийг хэлхэд амьдралд ямар их гайхамшигийг бүтээх чадвартай гээч. Хүн бүр л сэтгэлийнхээ гүнд хайрыг л хамгийн их хүсэмжилдэг. Тиймээс хайр өгөхдөө шалтгаан хэлдэггүй гэдгийг санан өөрийн хайртай хүмүүсээ хариу нэхэлгүй хайрлаж, тэр хайраа үг, үйлдлээрээ илэрхийлээрэй.

    2. Уучлах зүрх сэтгэлтэй бай. Бусдыг уучилж, бусдаас уучлат гуйж сурах нь эрүүл амьдрахад тань тустай зүйлүүдийн нэг. Шинэ оноо угтахаас өмнө сэтгэлдээ байгаа гомдол хорсолыг гарган хаяарай. Магадгүй уучлах нь шударга бус юм шиг санагдах ч өөрийнхөө төлөө бусдыг уучил. Та хэн нэгнийг уучилсанаараа тухайн хүнийг бус харин өөрийгөө стресс, бухимдалаас чөлөөлж байгаа гэдгийг ойлгох нь зүйтэй.

    3. Ямар нэгэн шинэлэг зүйлсийг бий болго. Үснийхээ өнгө засалтыг өөрчилж, хувцаслалтдаа шинэлэг имижийг бүрдүүл. Дуртай курс дамжаандаа явж, мэдлэгийнхээ санг өргөжүүлэх гээд юу дуртайгаа хий. Энэ зүйлд цаг хугацаа, тодорхой хэмжээний мөнгийг өөрөөсөө бүү харамла. Нэгэн хэвийн уйтгартай дүр төрхөө өөрчилж шинэ хүнийг бий болгоход буруудах зүйл огт байхгүй. Харин ч ингэснээр таныг өөрийгөө хүндэлдэг, өөртөө итгэх итгэлийн гэрлийг цацруулсан хүн гэдгийг илэрхийлэх болно.