Олимпийн хос медальтан, МУГТ, хөдөлмөрийн баатар Н.Түвшинбаяр шинэ жилээр өвлийн өвгөн аав болж найз нөхдийндөө зочилжээ. Тэрээр улсын начин Э.Энхбатындаа өвлийн өвгөний дүрээр очиж хүүхдүүдэд нь бэлэг өгч баярлуулжээ. Н.Түвшинбаяр, Э.Энхбат нар бол нэг нутгийн андууд бөгөөд Орхон голынхоо эрэгт тоглож өссөн багын найзууд юм. Тэд 2002 онд хоёулаа хамтдаа жүдо бөхийн үндэсний шигшээ багт ирсэн бөгөөд өдий хүртэл үй зайгүй сайхан нөхөрлөж байгаа андууд хэвээрээ явна.