Төрийн соёрхолт, алдарт яруу найрагч Р.Чойномын өвийг хамгаалах “Өд” сангаас түүний “Сүмтэй будрын чулуу”, “Залуу нас”, “Кавказ аялгуу”, “Хориотой модны жимс”, “Хүн” роман тэргүүтэй есөн номыг оны өмнө дуудлагаар худалдсан байна.

Эдгээр номыг хамтад нь 350 мянган төгрөгөөс эхлэн дуудахад Хэнтий аймгийн Бор-Өндөр сумын нутгийн зөвлөлийнхөн 2.1 сая төгрөгөөр худалдан авчээ.
Яруу найрагчийн уран бүтээлээс олсон орлогыг нутаг оронд нь хандивлах зорилгоор энэхүү дуудлага худалдааг зохион байгуулжээ.

“Өд” сангийн тэргүүн Д.Ганболд дуудлага худалдааны орлогоос нэг сая төгрөгийг Хэнтий аймгийн нутгийн зөвлөлд, үлдсэн нэг сая төгрөгийг яруу найрагчийн төрсөн нутаг Дархан сумын нутгийн зөвлөлд хандивласан аж.