Ардчилсан намын рекламанд тоглож орой болгон телевизийн зурагтаар гарч буй жүжигчин Б.Амарсайханыг монгол төрхтэй хэмээн үзэгчид үнэлдэг. “Уулын хөх сүүдэр”-ээс гадна  “Тавилан”, “Удирдагч”, “Бөртэ чоно”, “Боолын гэрээ”, “Цасан охин” “ Бодлын хулгайч”, “Аравт” зэрэг кинонд амжилттай дүр бүтээсэн. Ирланд улсад гурван жил хэлний болон маркетингийн чиглэлээр сурсан. Тэнд байхдаа  Ирландын “RTE 1” телевизийн 16-40 ангитай хоёр,  гурван сериалд  тоглосон байна. Сэтгүүлчдийн хараанаас зүгээр салахаа больсон жүжигчин залуу ярилцлага бүрдээ “Би их царайлаг” гэж ярьдаг. Үнэхээр ч түүнийг монгол эр хүний төрхийг хадгалсан гэж олон найруулагчид баатарлаг эрийн дүрд сонгоод байгаа билээ.Тэгвэл түүний бүтээхийг хүсдэг дүр  нь Чингис хаан биш Жамух гэнэ.