Францын угсаатны хөгжим судлаач Жоанни Крютэд өөрийн санаачилгаар "Дөрвөн бэрх" чуулгыг үүсгэн байгуулсан билээ. Тэгвэл тэрээр чуулгынхаа уран бүтээлчдийг  нэг сарын турш Францын хотуудаар аялуулж, хөөмийн урлагийг сурталчлахаар болсон байна. Энэ сарын 10-наас эхлэх уран бүтээлчдийн аялан тоглолт Францын Парис, Лион, Лилль, Дэ Манс хотод үргэлжлэх юм. Тус тоглолтод урлагийн гавъяат зүтгэлтэн, хөөмий ч Д.Цэрэндаваа, гавьяат жүжигчин Н.Сэнгэдорж, СУИС-ийн багш Б.Одсүрэн, Н.Ганзориг нар оролцож, урлагийн онцгой нэгэн төрөл болох хөөмийг барууны үзэгчдэд сурталчлах аж. Мөн "Хөөмийн эзэд" нэртэй баримтат баримтат киногоо толилуулж, Францын ард түмэнд хөөмийн сургалт зохион байгуулах юм байна. "Дөрвөн бэрх" чуулга нь магтаал, уртын болон богино дууг тогшуур, морин хуур, цуур хөгжилтэй хосуулан хөөмийлдөг ажээ.