УИХ дахь АН-ын бүлэг өнөөдөр хуралдаж, хурлын дараа бүлгийн дарга Д.Эрдэнэбат мэдээлэл хийлээ. АН-ын бүлэг өнөөдрийн ээлжит хуралдаанаараа Хөдөлмөрийн яамны сайд Я.Санжмятавын энэ онд хийх ажлын талаарх танилцуулгыг сонсчээ.
    УИХ дахь АН-ын бүлэг өнөөдөр хуралдаж, хурлын дараа бүлгийн дарга Д.Эрдэнэбат мэдээлэл хийлээ. АН-ын бүлэг өнөөдрийн ээлжит хуралдаанаараа Хөдөлмөрийн яамны сайд Я.Санжмятавын энэ онд хийх ажлын талаарх танилцуулгыг сонсчээ. Мөн УИХ-ын гишүүд өнгөрсөн баасан гарагт тал нь ажлаа тасалсан асуудлыг нухацтай хэлэлцсэн байна. Тиймээс уг асуудлыг дахин гаргахгүй байхын тулд нэн даруй хуулийн төсөл санаачлах шийдвэр гаргахаар болсон байна.
    Бүлгийн гишүүдийн зүгээс УИХ-ын гишүүдийн 50-аас дээш хувь нь чуулганы хуралдааныг тасалсан тохиолдолд тухайн тасалсан гишүүдийн хариуцлагыг намын бүлэг нь хүлээдэг байхаар хуулийн төсөл санаачлахаар болсон байна. Парламентад улс төрийн нам эвслийн гишүүд бүлэгтэй болно гэдэг нь тодорхой хэмжээгээр хариуцлага хүлээх ёстой асуудал бөгөөд бүлгийн гишүүд нь хурлаа тасалсан тохиолдолд намын бүлэг, түүний удирдлага хариуцлага хүлээж байхаар хуульчлах юм байна.
    Өнгөрсөн баасан гарагийн хуралдаанаар УИХ дахь МАН-ын гишүүд бүгдээрээ хурал тасалж, бүлгийн дарга нь маш хариуцлагагүй мэдэгдэл хийсэн нь хариуцлагагүй үйлдэл гэдгийг дурьдаад дахиж ийм явдал гаргахгүй байхын тулд хуулиар зохицуулалт хийх нь зөв гэж үзжээ.