М.Сономпил сайд сэргээгдэх эрчим хүчний чуулганд оролцож байна

2013-1-17

   УИХ-ын гишүүн, Эрчим хүчний сайд М.Сономпил Олон Улсын Сэргээгдэх эрчим хүчний агентлаг(ОУСЭХА)-ийн дарга ноён Аднан З. Амин, Арабын Нэгдсэн Эмират улс (АНЭУ)-ын Байгаль орчин болон Усны сайд Доктор Рашид Ахмад Бин Фахад нарын урилгаар 2013 оны 1 дүгээр сарын 13-17-ны өдрүүдэд ОУСЭХА-ийн гуравдугаар чуулган, “Дэлхийн эрчим хүчний ирээдүйн” VI дугаар чуулга уулзалт, Усны анхдугаар чуулга уулзалтанд оролцож байна. Сайд М.Сономпил тэргүүтэй Монгол Улсын төлөөлөгчид ОУСЭХА-ийн өнгөрсөн онд хийсэн ажлын тайлан болон цаашид хэрэгжүүлэх ажлуудын талаар хэлэлцэж, гишүүн орныхоо үүднээс улсаа төлөөлөн санал өгснөөс гадна Сайд нарын дугуй ширээний “Хөгжилд хүргэх Нөхөн Сэргээгдэх санхүүгийн загвар” “Сэргээгдэх эрчим хүчний үнэ ба үр ашиг” уулзалтад оролцон сэргээгдэх эрчим хүчний үндэсний хөтөлбөрийн хэрэгжилттэй холбоотой туршлагаа хуваалцав.

    Мөн Арабын Нэгдсэн Эмират Улсын Засгийн газар, агентлагтай хамтран Абу Даби хөгжлийн сангийн хөнгөлөлттэй зээлээр хөгжиж буй орнуудад сэргээгдэх эрчим хүчний чиглэлээр хэрэгжүүлэх төслийн шалгаруулалтад хамрагдах төслүүдээ танилцуулан “Дэлхийн Ирээдүйн Эрчим хүч” уулзалт-хэлэлцээрт оролцож, тэнд зохиогдох сэргээгдэх эрчим хүчний техник технологитой холбоотой үзэсгэлэнгүүдийг үзэж сонирхох, холбогдох уулзалт хуралд оролцлоо. Энэ үеэр ОУСЭХА-ийн дарга ноён Аднан З. Аминтай уулзаж, дэлхийн сэргээгдэх эрчим хүчний хөгжлийн хандлага болон Монгол Улсын сэргээгдэх эрчим хүчний хөгжлийн өнөөгийн байдал, ирээдүйн талаар тусгайлан уулзалт хийсэн байна.

    Түүнчлэн ОУСЭХА-ийн санаачилж буй Дэлхийн Сэргээгдэх Эрчим Хүчний Атлас боловсруулах ажлыг агенлагийн гишүүн 23 улс дэмжиж гарын үсэг зурлаа. Энэхүү үйл ажиллагааг дэмжин Монгол Улсын Эрчим хүчний сайд М.Сономпил гарын үсэг зурлаа. АНЭУ-ын Абу Дабихотод зохиогдож буй дээрх уулзалт, хурлууд нь дэлхийн160 гаруй орны 8000 гаруй зочид төлөөлөгчдийг хамруулсан, сэргээгдэх эрчим хүчний өргөн хүрээтэй сэдвээр зохиогдож байгаагаараа онцлог юм.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

Бурхантын бурхангүй (202.179.20.234)

2008-2010 онд цахилгаан тогоогоор ажлын байраа халаасан, утаа бага, галч хэмнэнэ гэсэн үүднээс, цахилгааны төлбөр өндөр гарсан учраас тогоо таслуулсан, улмаар сантехник ээ хөлдөөгөөд гүн хямралд орсон, гэр байраа орхин найзууудынхаараа оромжилж хавартай золгосон,хөлдсөн сангаа зассан, дахин нүүрсээр галладаг, одоо өдөрт 12 айлын дайны нүүрс шатаадаг, өндөрлөгөөтэй 2 портер, үүнийг шинэ цахилгаан станц баригдаад манайх дулаанд холбогдтол шийдэх боломж бий юү, сайдаа, ядаж хэсэгчилдэг ч юм уу? Тог тасалдаг хашраадаг монопол бодлого яваад байх шиг санагддаг, сард 2-3 удаа тасрах, эсвэл тасдах энгийн асуудал, байцаагч нар, монтёр нар буруу үйл ажиллагаа явуулаад байна, энэ бодлогынх уу? Рубилник буулгахад 20000, залгахад 20000 авч байна, засаж болох уу, үнэгүй байлтай баймаар! Гүйдлийн трансформатор шахна, тавихдаа 50000 авна, танай тоолуур болохгүй болсон гээд л тасдана, 250000, орой шөнө дөлөөр тавина, баримт огт өгөхгүй, жийптээ дарга нь сахиж байгаад төлбөрөө авна, анхаарч арга хэмжээ авна уу, хүсвэл нэр устай нь хэлсэн ч болно. Давхар эх үүсвэр авах гэхээр/ажлын байр, өрхөө тусгаарлах санаатай/ би хөөцөлдөөд өгье, гээд монтёрууд нь гүйлдээд байх юм, энэ юү гэсэн үг вэ, хэрэв түүгээр хөөцөлдүүлэхгүй бол бүтэхгүй бүтсэн ч хулгай гэсэн үг үү, цэгцлээч Сономпил гуай! Өрхийн цахилгаанаа салгуулчихвал хэмнэлт гарах ёстой юм байгаа юм? Эцсийн бөгөөд хамгийн чухал нь! Надад 40 хөн метрийн цаана 6000 бий, авья гэхээр дарга мэднэ гээд 4 жил боллоо, уул нь төсвийн байгууллага дээр нь ирсэн шугам нь улсын х л, бүр танай мэдлийнх баймаар, миний үйл ажиллагаа 9 дэх жилдээ орлоо, монтёруудын тэр даргадаа үнэнч байгааг, би авилга өгч чадахгүй л дээ, үйлдвэрлэгчид тийм юм төсөвлөдөггүй,! Ийм л заваан байна, цэвэрлэвэл тохирно, би хэрэглэснээсээ байнга их төлж ирсэн, гэхдээ энэ надад л хамаатай, жилд 600000-2000000 төг хүртэл, энүүхэн тооцоог би дотроо хянадаг, мэддэг, мэргэжил минь учраас! Жич: Тог тасдах сургаар хөдөө ажлаар явж байгаад шөнөдөө ирэхэд, ердөө 18 хан цагийн дотор шүү, ерөнхий хангамжийн маань 40 өөд метр зэс кабелийг таслдаад аваад явсан, дээр нь ажлын байранд хулгай орсон байвал та юү гэх вэ? за за дотроо онгойлгож авлаа, уншсан бүхэнд талархлаа илэрхийлье. Гал голомт минь, цахилгаан минь, таван толгой минь, шинэ станц минь бүгд болтугай! Оптимист ДР

2013 оны 02 сарын 11 | Хариулах