Дэлхийн Эрүүл Мэндийн Байгууллагын Монгол Улс дахь суурин төлөөлөгчийн газрын халдварт өвчний асуудал хариуцсан мэргэжилтэн доктор Луо Дапенгийн манай улсын Халдварт өвчинтэй тэмцэх, сэргийлэх ажилд оруулсан хувь нэмрийг нь үнэлж, өнөөдөр ЭМЯ-ны хүндэт тэмдгээр шагналаа.
Доктор Луо Дапенг нь 2006 оноос хойш өнөөг хүртэл ажиллах хугацаанд Монгол Улсад халдварт өвчний чиглэлээр олон хөтөлбөр, ажлуудыг амжилттай хэрэгжүүлсэн байна. Тухайлбал, Шинэ сэргэж буй халдварт өвчний Ази номхон далайн стратегийг Монгол улсад хэрэгжүүлэхэд онцгой хувь нэмэр оруулж, нийгмийн эрүүл мэндийн ноцтой байдлын үеийн бэлэн байдал, шуурхай хариу арга хэмжээ авах чадавхийг бэхжүүлэх, эрт илрүүлэх тандалтын тогтолцоог байгуулах, энэ чиглэлээр хүний нөөцийг чадавхжуулахад тус тус идэвх санаачлагатай ажиллажээ.

Дэлхийн Эрүүл Мэндийн Байгууллагын Монгол Улс дахь суурин төлөөлөгчийн газрын халдварт өвчний асуудал хариуцсан мэргэжилтэн доктор Луо Дапенгийн манай улсын Халдварт өвчинтэй тэмцэх, сэргийлэх ажилд оруулсан хувь нэмрийг нь үнэлж, өнөөдөр ЭМЯ-ны хүндэт тэмдгээр шагналаа.
Доктор Луо Дапенг нь 2006 оноос хойш өнөөг хүртэл ажиллах хугацаанд Монгол Улсад халдварт өвчний чиглэлээр олон хөтөлбөр, ажлуудыг амжилттай хэрэгжүүлсэн байна. Тухайлбал, Шинэ сэргэж буй халдварт өвчний Ази номхон далайн стратегийг Монгол улсад хэрэгжүүлэхэд онцгой хувь нэмэр оруулж, нийгмийн эрүүл мэндийн ноцтой байдлын үеийн бэлэн байдал, шуурхай хариу арга хэмжээ авах чадавхийг бэхжүүлэх, эрт илрүүлэх тандалтын тогтолцоог байгуулах, энэ чиглэлээр хүний нөөцийг чадавхжуулахад тус тус идэвх санаачлагатай ажиллажээ.
Олон улсын хэмжээнд нэр хүнд бүхий "Талбарын тархвар судлалын сургалтын хөтөлбөр"-ийг анх удаа Монгол улсад зохион байгуулж, одоогоор 3 ээлжийн 24 мэргэжилтэн бэлдээд байна.
Мөн 2009 оны томуугийн цартахлын үед Монгол Улс шуурхай хариу арга хэмжээ авч хэрэгжүүлэн, ДЭМБ-аас хандивласан вакциныг хүлээн авсан анхны орон болж, цартахлыг амжилттай даван туулахад Доктор Дапенгаар удирдуулсан хамт олон чухал үүрэг гүйцэтгэсэн.
Түүнчлэн 55 сая толгой малтай Монгол Улсын хувьд мал амьтнаас хүнд халдварлах өвчний хяналт сэргийлэлтийг сайжруулах нь эрүүл мэнд, нийгэм эдийн засгийн өндөр ач холбогдолтой. 2010 онд зоонозын буюу мал амьтнаар дамжин халдварлах өвчинтэй тэмцэх сэргийлэх салбар хоорондын зөвлөлийг байгуулах болон үйл ажиллагааг нь уялдуулан зохицуулахад Др. Дапенг мэргэжил арга зүйн дэмжлэг үзүүлэн, удирдан чиглүүлж ирсэн. ЭМЯ, ҮХААЯ-ны сайдын хамтарсан тушаалаар байгуулагдсан уг зөвлөл нь цар хүрээгээ улам өргөжүүлж, УМХГ, ОБЕГ зэрэг бусад салбартай хамтарч ажиллаж байгаа бөгөөд ДЭМБ-ын Номхон Далайн Баруун Бүсэд үлгэр жишээ, тэргүүн туршлага болж байна.