УИХ-ын сонгуульд МАН-аас Увс аймгийн 15 дугаар тойрогт нэр дэвшиж ялалт байгуулсан Ч.Хүрэлбаатар, Б.Чойжилсүрэн нарыг өнгөрсөн лхагва гаригт Нийслэлийн Захиргааны хэргийн давж заалдах шатны шүүхээс тэдний гишүүний үнэмлэхийг хүчингүй болгох шийдвэр гаргалаа. Угтаа бол анх энэ хэргийг Увс аймгийн сонгуулийн тойргийн хороо хянан хэлэлцэж, үндэслэлгүй хэмээн шийдвэр гаргасан юм. Гэтэл Увс аймгийн АН-ынхан үүнийг заавал “чулуу” болгохоор шийдсэн үү аймгийн Захиргааны хэргийн шүүхэд өгч, мөн л хэрэгсэхгүй болгосон. Ийнхүү хоёр удаагийн шийдвэрээр хэрэгсэхгүй болгосон хэрэг гэнэт давж заалдах шатны шүүхэд ирээд хэлэлцэгдэж, Ч.Хүрэлбаатар, Б.Чойжилсүрэн нарыг гишүүний үнэмлэхийг хэрэгсэхгүй болгох шийдвэр гаргав. Үүнд нэг л учир байгаа. Захиргааны хэргийн шүүх АН-ынхны өгсөн нэхэмжлэлийн ихэнхийг хэрэгсэхгүй болгож, төрийн жинхэнэ албан хаагч сонгуулийн сурталчилгаанд ажиллуулсан, сонгуулийн сурталчилгаа дууссан байхад сурталчилгааны салбар ажиллуулсан гэх үндэслэлээр ийнхүү шийдвэр гаргасан байгаа юм. Шүүх хуралд Увс аймгийн Засаг дарга, АН-ын дарга Цэндсүрэн өөрийн биеэр хүрэлцэн ирж суугаа харагдсан.
Үүний учир УИХ-д бүлэггүй байсан МАН бүлэгтэй болохын тулд Увсын хоёрыг эргүүлэн татах шүүхийн шийдвэртэй эвлэрч, АН-ын нэр дэвшигчдэд “орон зай” гаргаж өг гэсэн шахалт ирээд байгаа гэсэн сураг өнгөрсөн онд Төрийн ордонд нисээд байсантай холбоотой байж мэдэх юм. АН-ынхан УИХ-д дахь өөрсдийн давуу эрхээ баталгаажуулахын тулд МАН-ын гишүүнийг урвуулж, Өвөрхангайн тойргийг будлиантуулсан. Харин одоо улаанаараа алдартай Увсыг цэнхэртүүлэхээр урагш тэмүүлж байж ч мэдэх юм. Арга барсан МАН-ынхан ийнхүү АН-ын шахалттай эвлэрч сонгогч олны саналыг үнэгүйдүүлж, хоёр суудлаар бүлэг байгуулах эрхийг олж авсан уу. Үүнийг МАН өөрийн гэсэн бүлэгтээ болсоноор баталж байгаа юм. Магадгүй өнгөрсөн намар нисч байсан “бор бялзуухай” үнэн бол Увсын хоёроор “тахил” өргөсөн болж байгаа юм.
Хэрвээ ийнхүү энэ шийдвэртэй эвлэрч, 57.48 хувийн саналтай Ч.Хүрэлбаатар, 52.18 хувийн саналтай Б.Чойжилсүрэн нарын гишүүний эрх нь цуцлагдах юм. Харин түүний ард жагсч байгаа АН-ын нэр дэвшигчид болох 33.47 хувийн саналтай, Д.Нямхүү болон 31.05 хувийн саналтай Т.Мэндсайхан нар гишүүн болох юм.
Харин өчигдөр УИХ-ын гишүүн Ч.Хүрэлбаатар болон намынхан нь Улсын дээд шүүхэд хандахаа мэдэгдсэн юм. Улсын дээд шүүх энэ асуудлыг эцэслэн шийдвэрлэх учиртай. Өвөрхангайн хоёр МАН-ынхан хүчтэй байр сууриа илэрхийлж, туг барьж байсан МАН-ын лидерүүд лоозон барьж Төрийн ордны чуулганы танхимын үүдийг сахихад хүрсэн. Харин Улсын дээд шүүх Захиргааны хэргийн давж заалдах шатны шүүхийг хэвээр батлах юм МАН-ынхан ямар байдлаар байр сууриа илэрхийлэх хоёр суудлаар бүлэгтэй болох эрхээ “худалдаж” авсан уу гэдэг эргэлзээг тайлах юм. Тэд Төрийн ордон гадна, дотор жагсаал цуглаан хийж, Увсын сонгогч түмний эрхийг хүндэтгэх юм болов уу?
УИХ-ын
сонгуульд МАН-аас Увс аймгийн 15 дугаар тойрогт нэр дэвшиж ялалт
байгуулсан Ч.Хүрэлбаатар, Б.Чойжилсүрэн нарыг өнгөрсөн лхагва гаригт
Нийслэлийн Захиргааны хэргийн давж заалдах шатны шүүхээс тэдний гишүүний
үнэмлэхийг хүчингүй болгох шийдвэр гаргалаа. Угтаа бол анх энэ хэргийг
Увс аймгийн сонгуулийн тойргийн хороо хянан хэлэлцэж, үндэслэлгүй хэмээн
шийдвэр гаргасан юм. Гэтэл Увс аймгийн АН-ынхан үүнийг заавал “чулуу”
болгохоор шийдсэн үү аймгийн Захиргааны хэргийн шүүхэд өгч, мөн л
хэрэгсэхгүй болгосон. Ийнхүү хоёр удаагийн шийдвэрээр хэрэгсэхгүй болгосон хэрэг гэнэт давж заалдах шатны шүүхэд ирээд хэлэлцэгдэж, Ч.Хүрэлбаатар, Б.Чойжилсүрэн нарыг гишүүний үнэмлэхийг хэрэгсэхгүй болгох шийдвэр гаргав. Үүнд нэг л учир байгаа. Захиргааны хэргийн шүүх АН-ынхны өгсөн нэхэмжлэлийн ихэнхийг хэрэгсэхгүй болгож, төрийн жинхэнэ албан хаагч сонгуулийн сурталчилгаанд ажиллуулсан, сонгуулийн сурталчилгаа дууссан байхад сурталчилгааны салбар ажиллуулсан гэх үндэслэлээр ийнхүү шийдвэр гаргасан байгаа юм. Шүүх хуралд Увс аймгийн Засаг дарга, АН-ын дарга Цэндсүрэн өөрийн биеэр хүрэлцэн ирж суугаа харагдсан.
Үүний учир УИХ-д бүлэггүй байсан МАН бүлэгтэй болохын тулд Увсын хоёрыг эргүүлэн татах шүүхийн шийдвэртэй эвлэрч, АН-ын нэр дэвшигчдэд “орон зай” гаргаж өг гэсэн шахалт ирээд байгаа гэсэн сураг өнгөрсөн онд Төрийн ордонд нисээд байсантай холбоотой байж мэдэх юм. АН-ынхан УИХ-д дахь өөрсдийн давуу эрхээ баталгаажуулахын тулд МАН-ын гишүүнийг урвуулж, Өвөрхангайн тойргийг будлиантуулсан. Харин одоо улаанаараа алдартай Увсыг цэнхэртүүлэхээр урагш тэмүүлж байж ч мэдэх юм. Арга барсан МАН-ынхан ийнхүү АН-ын шахалттай эвлэрч сонгогч олны саналыг үнэгүйдүүлж, хоёр суудлаар бүлэг байгуулах эрхийг олж авсан уу. Үүнийг МАН өөрийн гэсэн бүлэгтээ болсоноор баталж байгаа юм. Магадгүй өнгөрсөн намар нисч байсан “бор бялзуухай” үнэн бол Увсын хоёроор “тахил” өргөсөн болж байгаа юм.
Хэрвээ ийнхүү энэ шийдвэртэй эвлэрч, 57.48 хувийн саналтай Ч.Хүрэлбаатар, 52.18 хувийн саналтай Б.Чойжилсүрэн нарын гишүүний эрх нь цуцлагдах юм. Харин түүний ард жагсч байгаа АН-ын нэр дэвшигчид болох 33.47 хувийн саналтай, Д.Нямхүү болон 31.05 хувийн саналтай Т.Мэндсайхан нар гишүүн болох юм.
Харин өчигдөр УИХ-ын гишүүн Ч.Хүрэлбаатар болон намынхан нь Улсын дээд шүүхэд хандахаа мэдэгдсэн юм. Улсын дээд шүүх энэ асуудлыг эцэслэн шийдвэрлэх учиртай. Өвөрхангайн хоёр МАН-ынхан хүчтэй байр сууриа илэрхийлж, туг барьж байсан МАН-ын лидерүүд лоозон барьж Төрийн ордны чуулганы танхимын үүдийг сахихад хүрсэн. Харин Улсын дээд шүүх Захиргааны хэргийн давж заалдах шатны шүүхийг хэвээр батлах юм МАН-ынхан ямар байдлаар байр сууриа илэрхийлэх хоёр суудлаар бүлэгтэй болох эрхээ “худалдаж” авсан уу гэдэг эргэлзээг тайлах юм. Тэд Төрийн ордон гадна, дотор жагсаал цуглаан хийж, Увсын сонгогч түмний эрхийг хүндэтгэх юм болов уу?
Б.Даваа
Сэтгэгдэл (15)