“Монгол судлалыг хөгжүүлэх талаар авч хэрэгжүүлэх зарим арга хэмжээний тухай” УИХ-ын тогтоолын төслийг УИХ-ын гишүүн О.Баасанхүү өргөн барилаа.


Монгол Улсын түүх, зан заншил, уламжлал, хөгжлийн чиг хандлага, шинжлэх ухаан, соёл урлаг зэрэг олон салбарыг гадаадын улс орнуудад таниулахад чиглэсэн үйл ажиллагааг эрхэлж буй байгууллага, холбоод, эрдэмтэн, судлаачдыг нэгтгэн, зохион байгуулалтад оруулж, төрийн бодлого, эдийн засгийн туслалцаа дэмжлэгтэйгээр Монгол судлалыг хөгжүүлэх үүднээс уг тогтоолын төслийг боловсруулснаа УИХ-ын гишүүн О.Баасанхүү хэллээ.

“Монгол судлалыг хөгжүүлэх талаар авч хэрэгжүүлэх зарим арга хэмжээний тухай” УИХ-ын тогтоолын төслийг УИХ-ын гишүүн О.Баасанхүү өргөн барилаа.


Монгол Улсын түүх, зан заншил, уламжлал, хөгжлийн чиг хандлага, шинжлэх ухаан, соёл урлаг зэрэг олон салбарыг гадаадын улс орнуудад таниулахад чиглэсэн үйл ажиллагааг эрхэлж буй байгууллага, холбоод, эрдэмтэн, судлаачдыг нэгтгэн, зохион байгуулалтад оруулж, төрийн бодлого, эдийн засгийн туслалцаа дэмжлэгтэйгээр Монгол судлалыг хөгжүүлэх үүднээс уг тогтоолын төслийг боловсруулснаа УИХ-ын гишүүн О.Баасанхүү хэллээ.

Үндэсний аюулгүй байдлын зөвлөлөөс гаргасан удаа дараагийн зөвлөмжийн дагуу Монгол судлалын олон салбарыг төрийн ивээл дор эрчимтэй хөгжүүлж, олон улсын Монгол судлалын үйл ажиллагаанд өөрийн оролцоо хийгээд үр нөлөөг нэмэгдүүлэх, гадаад дотоодын Монгол судлаачдын шинэ залуу халааг бэлтгэх тогтолцоог бүрдүүлэх зорилгоор цаашид Монгол судлалын үндсэний академи байгуулах нь зүйтэй  гэж төсөл санаачлагч үзсэн байна.  
 
Одоогоор манай улсад Монгол судлалын талаарх судалгаа, сургалтыг ШУА-ийн түүхийн хүрээлэн, философи, социологи, эрх зүйн хүрээлэн гэсэн эрдэм шинжилгээний байгууллагууд, мөн МУИС-ийн Нийгмийн ухааны сургууль, МУБИС-ийн Түүх, нийгмийн ухааны сургууль, бусад хувийн хэвшлийн их, дээд сургуулиудын нийгмийн ухааны сургуулиуд, Олон улсын монгол судлалын холбоо, Нүүдлийн соёл иргэншил судлалын олон улсын хүрээлэн зэрэг төрийн бус байгууллагууд явуулж байна.

Энэ бүгдийг нэгтгэж Монгол судлалын үндэсний академийг байгуулснаар олон улсын монгол судлалын гол төв нь Монгол улс байх бодит боломж нэмэгдэх төдийгүй үндэсний хэл, соёлын дархлаа бэхжиж, манай улсын гадаад сурталчилгаа олон улсын хэмжээнд өсөн нэмэгдэх нэг үндэс болох ач холбогдолтой гэдгийг төсөл санаачлагч онцоллоо.